yemende qoralliq hujumgha uchrighan türkiye qizil ay jemiyiti xadimi türkiyege élip kélindi

yemende qoralliq hujumgha uchrap, yarilanghan türkiye qizil ay jemiyiti emeldari eli jan budak sehiye ministirliqigha tewe jiddiy qutquzush ayropilani bilen paytext enqerege élip kélindi.

1515354
yemende qoralliq hujumgha uchrighan türkiye qizil ay jemiyiti xadimi türkiyege élip kélindi

türkiye awazi radiyosi xewiri: türkiye qizil ay jemiyitining yemen wekiller ömikide maliye we yardem xizmetliri dériktori bolup wezipe ötewatqan 29 yashliq eli jan budak, aden shehiride kimliki namelum kishilerning qoralliq hujumigha uchrap, béshidin yarilanghan idi.

weqedin kéyin adendiki el neqib doxturxanisida balnéstqa  élinip, ménge opératsiyesi qilinghan eli jan bodakni türkiyege yötkesh üchün sehiye ministirliqi heriketke ötti.

kéreklik teyyarliqlardin kéyin, türkiye sehiye ministirliqi budakni türkiyege élip kélish üchün etigen seherde adenge jiddiy qutquzush ayropilani ewetti.

sehiye xadimlirining nazariti astida enqere esenbogha ayrodorumigha élip kélingen budak, dawalinishi üchün enqere maarip we tetqiqat doxturxanisigha élip bérildi.

eli jan budakning salametlikining muqim ikenliki bildürüldi.



مۇناسىۋەتلىك خەۋەرلەر