türkiye misirgha naraziliq bildürdi

türkiye, misir hökümitini siyasiy özgirish qozghighuchi parallél qurulmilar bilen térorluq teshkilatlirining bayraqdarliqini qilishning ornigha xelqining ümidini anglap, muqimliq üchün xizmet qilishqa chaqirdi.

1515345
türkiye misirgha naraziliq bildürdi
dışişleri.png
Hami Aksoy

türkiye awazi radiyosi xewiri: türkiye tashqi ishlar ministirliqining bayanatida: «<kichik guruppa> ning ezasi misirgha chüshken wezipe, siyasiy özgirish qozghighuchi parallél qurulmilar bilen térorluq teshkilatlirining bayraqdarliqini qilish emes, belki xelqining ümidini anglap, muqimliq üchün xizmet qilishtur»  déyildi.

türkiye tashqi ishlar ministirliqi bayanatchisi hami aqsoy, misir tashqi ishlar ministiri samih shükrining 22 - öktebirde süriye heqqide ötküzülgen «kichik guruppa» yighinida, türkiye üstidin qilghan eyibleshlirige naraziliq bildürdi.

hami aqsoy yazma bayanatida, «süriyediki térorluqqa qarshi küresh üchün qurbanliqlarni bergen, 4 milyongha yéqin süriyelik panahlanghuchigha quchaq achqan, süriyening shimalida rehimsiz bir hakimiyetke we térorchilargha qarshi xelqniqoghdighan shundaqla hem astane, hem jenwede siyasiy musapisige konkrét töhpilerni qoshqan, dölitimizge qaritilghan bu töhmetler, étibargha élinishi mumkin bolmaydighan xam xiyaldin ibarettur» dédi.

hami aqsoy türkiyening süriyede üstige alghan roli peqet dölet bixeterlikila emes, süriyening siyasiy birliki we zémin pütünlükining qoghdilishining kapaliti bolghanliqini we kapaliti bolushni dawamlashturidighanliqini tekitlep, «süriye heqqide, <kichik guruppa> ezasi bolghan misirgha chüshken wezipe, zalim hakimiyet we siyasiy özgirish qozghighuchi parallél qurulmilar bilen térorluq teshkilatlirining bayraqdarliqini qilish emes, belki xelqining ümidini anglap, rayonda dawamlashturghili bolidighan xatirjemlik we muqimliq üchün xizmet qilishtur» dédi.


خەتكۈچ: #misir , #türkiye

مۇناسىۋەتلىك خەۋەرلەر