түркийә мисир, гиретсийә вә җәнубий қибрисқа наразилиқ билдүрди

түркийә мисир – гиретсийә – җәнубий қибрис рум һакимийити башлиқлар йиғинидин кейин елан қилинған байаннамини пүтүнләй рәт қилидиғанлиқини билдүрди.

1513890
түркийә мисир, гиретсийә вә җәнубий қибрисқа наразилиқ билдүрди

түркийә авази радийоси хәвири: түркийә ташқи ишлар министирлиқи тәрипидин бу һәқтә елан қилинған йазма байанатта мундақ дейилди: «җәнубий қибрис рум һакимийитидә чақирилған <мисир – гиретсийә вә җәнубий қибрис башлиқлар йиғини> дин кейин елан қилинған вә бу үч тәрәпниң илгирики йиғинлиридиму адәткә атланған, дөлитимизгә қарши дәлил – испатсиз боһтан вә дәваларни өз ичигә алған байаннамини пүтүнләй рәт қилимиз. <шәрқий ақдеңизда тинчлиқ, муқимлиқ вә һәмкарлиқни қоллаш> намидин мәзкур үч тәрәп тәрипидин елан қилинған байаннаминиң, һәр қетим түркийәни һуҗум нишани қилиши, бу дөләтләрниң әсли нийәтлириниң немиликини оттуриға қоймақта. қибрис түрклири вә барлиқ қирғақдаш дөләтләрни өз ичигә алған кәң даирилик бир позитсийә тутқандила андин  шәрқий ақдеңизда һәқиқий һәмкарлиқ орнатқили болиду. райондики мәсилиләрни йаритиватқан дөләтләр, зәһәрхәндилик вә дүшмәнлик сийаситини өзгәртмигән тәқдирдә, сақлиниватқан мәсилиләрни һәл қилғили болмайду. шәрқий ақдеңизда һәм өзимизниң һәқ – һоқуқлиримизни һәмдә қибрис түрклириниң һәқ – һоқуқлирини қоғдашни қәтий давамлаштуримиз.»



مۇناسىۋەتلىك خەۋەرلەر