jumhur reis rejep tayyip erdoghan ersin tatarni alahide tebriklidi

jumhur reis rejep tayyip erdoghan «shimaliy qibris türk jumhuriyitining jumhur reislikige saylanghan ersin tatar ependini özüm we türk milliti namidin tebrikleymen» dédi.

1511550
jumhur reis rejep tayyip erdoghan ersin tatarni alahide tebriklidi
ersin tatar.jpg
ersin tatar-erdogan.jpg
ersin tatar seçim.jpg

türkiye awazi radiyosi xewiri: jumhur reis rejep tayyip erdoghan twittér hésabidiki uchurida shimaliy qibris türk jumhuriyitide ötküzülgen saylam üstide toxtilip, shimaliy qibris türk jumhuriyitining jumhur reislikige saylanghan ersin tatar ependini özüm we türk milliti namidin tebrikleymen. türkiye qibris türk xelqining heq - hoquqining qoghdilishi üchün zörür bolghan her qandaq tirishchanliqlarni körsitishni dawamlashturidu» dédi.

erdoghan kéyin yene , ersin tatar bilen téléfonda körüshüp: «sizning jumhur reislikke saylinishingizning sizge, shimaliy qibris türk jumhuriyiti xelqige we qibris dewayimizgha xeyrilik bolushini ümid qilimen» dédi.

jumhur reislik uchur – alaqe idarisidin élan qilinghan bayanatqa asaslanghanda, jumhur reis rejep tayyip erdoghan téléfon söhbitide, qibris türklirining démokratik piship yétilgenlikini pütkül dunyagha yene bir qétim ispatlighanliqini bildürgen.

ersin tatarning jumhur reislikide, shimaliy qibris türk jumhuriyitining heq – hoquq we adalet kürishini öz  -özige bolghan  qetiy ishench we muweppeqiyet bilen dawamlashturudighanliqigha toluq ishinidighanliqini bildürgen jumhur reis erdoghan, ersin tatarning bash ministirliqi dewride, sherqiy aqdéngizdiki hidro karbon paaliyetliri we shimaliy qibris türk jumhuriyitining tereqqiyati qatarliq her sahede körsetken inaq hemkarliqini yene qetiy irade bilen dawamlashturidighanliqigha  ishinidighanliqini tilgha alghan.

jumhur reis rejep tayyip erdoghan, türkiye we shimaliy qibris türk jumhuriyitining buningdin kéyinki mezgildimu qibris mesilisini hel qilish üchün dawamliq tirishidighanliqini tekitligen.

shimaliy qibris türk jumhuriyiti jumhur reislikige saylanghan ersin tatarni yene, türkiye büyük millet mejlisi (parlaménti) reisi mustafa shentop, muawin jumhur reis fuat oktay we jumhuriyet xelq partiyesi reisi kemal kilichdaroghlumu tiwittérda uchur tarqitip alahide tebriklidi.



مۇناسىۋەتلىك خەۋەرلەر