türkiye pakistanda yüz bergen térrorluq hujumlirini eyiblidi

türkiye, pakistanning baluchistan ölkisi bilen shimaliy weziristan rayonida meydangha kelgen térrorluq hujumlirini eyiblidi.

1510032
türkiye pakistanda yüz bergen térrorluq hujumlirini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, tünügün pakistanning baluchistan ölkisi bilen shimaliy weziristan rayonida yüz bérip köp sanda xewpsizlik xadimining ölüshini keltürüp chiqarghan térrorluq hujumliridin qayghurush ichide xewer tapqanliqini qeyt qildi.

bayanatta, «biz bu qebih térrorluq qilmishlirini qattiq eyibleymiz, hayatidin ayrilghanlargha rehmet tileymiz, dost pakistan hökümiti we qérindash pakistan xelqige teziye bildürimiz» dégen ibarilerge orun bérildi.

pakistanning baluchistan ölkiside bir türküm aptomobillarni qoghdap méngiwatqan xewpsizlik qisimliri térrorchilarning hujumigha uchrap, 11 nepiri esker bolup jemiy 14 adem qaza qilghan. shimaliy weziristan rayonida bolsa, xewpsizlik qisimlirining aptomobil etriti bombiliq hujumgha uchrap, 6 esker jénidin ayrilghanidi.


خەتكۈچ: #hujum , #térror , #pakistan , #türkiye

مۇناسىۋەتلىك خەۋەرلەر