chawushoghlu téléfon diplomatiyesini dawamlashturmaqta

türkiye tashqi ishlar ministiri mewlüt chawushoghlu ezerbeyjan, rusiye we chéxiye tashqi ishlar ministirliri bilen téléfonda körüshti.

1510146
chawushoghlu téléfon diplomatiyesini dawamlashturmaqta

türkiye awazi radiyosi xewiri: mewlüt chawushoghlu ezerbeyjan, rusiye we chéxiye tashqi ishlar ministirliri bilen téléfonda körüshti.

diplomatik menbelerdin élinghan uchurlarda bildürülishiche, mewlüt chawushoghlu ezerbeyjan tashqi ishlar ministiri jeyxun bayramow bilen körüshkende, üstün qarabagh mesilisini muhakime qilghan.

mewlüt chawushoghluning yene, rusiye tashqi ishlar ministiri sérgéy lawrow bilenmu téléfonda körüshkenliki bildürüldi.

u sérgéy lawrow bilen körüshkende, üstün qarabagh, erméniyening urush toxtitishqa qilghan xilapliqliri, puqralargha qaritilghan hujumliri we terterde jinaza murasimigha qilghan hujumi qatarliq mesililerni muzakire qilghan.

ezerbeyjan bilen erméniye rusiye paytexti moskwada ötküzülgen uchrishishta, 2020-yili 10-öktebir shu yer waqti 12:00 din bashlap taghliq qarabaghdiki jesetler we esirlerni özara almashturush teklip qilinghan insanperwerlik meqsitidiki urush toxtitish qarar qilinghan idi.

erméniye armiyesining urush toxtitish qarar qilinip aridin 24 saet ötmestin ezerbeyjanning genje shehirige qilghan bashqurulidighan bomba hujumida toqquz kishi jénidin ayrilip, 34 kishi yarilanghan idi.

tünügün (2020-yili 15-öktebir) erméniye armiyesining ezerbeyjanning terter shehiride ötküzülgen jinaza murasimigha qilghan hujumida töt kishi jénidin ayrilip, töt kishi yarilandi.

mewlüt chawushoghluning chéxiye tashqi ishlar ministiri tomas pétrijék (Tomas Petricek) we litwaniye muawin bash ministiri we dölet mudapie ministiri artis pabriks (ArtisPabriks) bilenmu téléfonda körüshkenliki qeyt qilindi.



مۇناسىۋەتلىك خەۋەرلەر