erdoghan méshél bilen téléfonlashti

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, türkiye – yawropa ittipaqi munasiwetliri muzakire qilinghan téléfon söhbitide, sherqiy aqdéngizdiki özgirishlerni öz ichige alghan rayongha alaqidar mesililer toghrisida pikir almashturulghan.

jumhur reis erdoghan téléfon söhbiti jeryanida, türkiye – yawropa ittipaqi munasiwetlirining güllendürülüshi, yawropa ittipaqining 18 – mart kélishimide körsitilgen mejburiyetlirini ada qilishi, tamozhna birliki we wizini erkin qoyuwétish mesilisde ilgirilesh hasil qilish kéreklikini otturigha qoyghan.

türkiyening yaxshi niyetlik pozitsiyelirige qarimay, girétsiyening sherqiy aqdéngizdiki jiddiychilikni ulghaytiwétidighan qedemlerni tashlashni dawamlashturuwatqanliqini bildürgen jumhur reis erdoghan, türkiye otturigha qoyghan sherqiy aqdéngiz yighinining ötküzülüshi üchün yawropa ittipaqining konkért qedemlerni tashlishining kütülüwatqanliqini qeyt qilghan.

u yene sözini dawamlashturup, ezerbeyjan zéminlirini ishghal qilip turuwatqan erméniyening, tebiiy gaz we néfit turuba liniyeliri bilen qatnash yolliri késip ötidighan towoz rayonidin kéyin genje shehirigimu hujum qilip, yawropaning énérgiye bixeterlikini xewpke ittirgenlikini eskertken we yawropa ittipaqini «ezerbeyjanning zémin pütünlüki» mesiliside turaqliq pozitsiye bildürüshke chaqirghan.