erdoghan: taghliq-qarabagh mesilisi ishghaliyet axirlaqanda hel bolidu
jumhur reis rejep tayyip erdoghan erméniyening hakawur we muresse qilmasliq pozitsiyesi sewebidin 30 yildin buyan éghir yarigha aylanghan taghliq-qarabagh mesilisining ishghaliyetning axirlishishi bilen hel bolidighanliqini éytti.
türkiye awazi radiyosi xewiri: erdoghan türkiye-afriqa iqtisad we soda hemkaliq munbirining échilish yighinida neq meydan ulinish arqiliq sözligen nutiqida, erméniyening ezerbeyjan zéminigha qilinghan hujumlar üstida toxtaldi.
erdoghan taghliq-qarabaghning 30 yildin béri erméniye teripidin ishghal qilinghan ezerbeyjan zémini ikenlikini tekitlep, «erméniyening hakawur we muresse qilmasliq pozitsiyesi sewebidin 30 yildin buyan éghir yarigha aylanghan taghliq-qarabagh mesilisining charisi ishghaliyetning axirlishidur. ishghaliyetni qanunluq halgha keltürüsh urunushlirining héchqandaq netijisi bolmaydu» dédi.
jumhur reis rejep tayyip erdoghan ezerbeyjanning zéminlirini qayturup élish üchün élip bériwatqan heqqaniy kürishini türkiyening qollap - quwwetleydighanliqini tekitlep, «biz barliq döletlerni ezerbeyjanning yénida turushqa chaqiriq qilimiz» dédi.
مۇناسىۋەتلىك خەۋەرلەر
erdoghan iraq ziyaritini tamamlidi
jumhur reis rejep tayyip erdoghan iraqtiki ziyaritini utuqluq axirlashturup, türkiyege qaytip keldi.
