октай: мараш райони қанунға уйғун шәкилдә ечилиду

муавин җумһур рәис фуат октай шималий қибрис түрк җумһурийити чегралири ичидин орун алған вә буниңдин 46 йил илгири олтурақлишиш вә йәрлишишкә тақиветилгән «мараш райони» ниң қанунға уйғун шәкилдә ечилидиғанлиқини ейтти.

1504571
октай: мараш райони қанунға уйғун шәкилдә ечилиду

түркийә авази радийоси хәвири: октай, аммиви ортақлишиш тор бети Twitter сәһиписидә бу һәқтә елан қилған байанатида мундақ деди: «узун йиллардин буйан ташландуқ һаләттә тәрк етилип, бағримизни хун қиливәткән гүзәл мараш районини һәққанийәт һәм қанунға уйғун шәкилдә ачимиз. қибрис түрклири үчүн кечә - күндүз хизмәт ишләватимиз. шималий қибрис түрк җумһурийитини бир күнму сусиз қалдурмайдиғанлиқимизни билдүргәнидуқ. шималий қибрис түрк җумһурийитигә торуслардин һайатлиқ сүйи қайта еқишқа башлиди. хәйрлик болсун!»

шималий қибрис түрк җумһурийити баш министири әрсин татар, түнүгүн әнқәрә зийарити җәрйанида, мараш райониниң әтә әтигән тәрәпләрдә ечилидиғанлиқини уқтурғаниди.



مۇناسىۋەتلىك خەۋەرلەر