erdoghan kuweyt we qatarda ziyarette boldi
jumhur reis rejep tayyip erdoghan, ötken hepte bu dunya bilen widalashqan kuweyt emiri sabah elehmed eljabir essabahqa teziye bildürüsh üchün kuweytte ziyarette boldi.
türkiye awazi radiyosi xewiri: jumhur reis rejep tayyip erdoghan, «tür» markiliq mexsus ayropilan bilen türkiye waqti 12 din 15 minut ötkende kuweytke yétip bardi.
jumhur reis erdoghan, kuweyt emirlik ayrodurumida kuweyt emiri sheyx newwaf elehmed eljabir essabah, kuweyt emirliki tashqi ishlar ministiri sheyx eli jerrah essabah, kuweyt emirliki resmiy xizmetler mudiri xalid abdullah essabah, türkiyening kuweytte turushluq bash elchisi ayshe hilal sayan koytak we bashqa emeldarlar teripidin qarshi élindi.
erdoghan, ötken bu dunya bilen widalashqan sabah elehmed eljabir essabahning ornigha olturghan kuweytning yéngi emiri sheyx newwaf elehmed eljabir essabah bilen körüshüp, teziye bildürdi.
jumhur reis erdoghan we hemrahliqidiki heyet arqidin türkiye waqti saet 14:20 minut ötkende qatarning paytexti dohagha yétip bérip, qatar emiri sheyx temim bin hemed al sani bilen körüshti.
paytext dohadiki déngiz sariyida ötküzülgen yépiq uchriishish bir saet 10 minut dawamlashti. uchrishishtin kéyin xizmet ziyapiti bérildi.
