erdoghan nato bash katipi we hemrahliqidiki heyetni qobul qildi

jumhur reis rejep tayyip erdoghan, shimaliy atlantik ehdi teshkilati - nato bash katipi yéns stolténbérgni qobul qildi.

1503422
erdoghan nato bash katipi we hemrahliqidiki heyetni qobul qildi

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, jumhur reis erdoghan, yéns stolténbérg we uning hemrahliqidikiler bilen ötküzgen uchrishishida, türkiye – nato munasiwetliri bilen sherqiy aqdéngiz, süriye we liwiye qatarliq rayongha alaqidar mesililer muhakime qilinghan.

erdoghan, girétsiyening barliq passip pozitsiyelirige qarimay, türkiyening, bashtin tartipla natoning sherqiy aqdéngizda türkiye we girétsiye eskerliri arisida qaza we herxil hadisilerning yüz bérish xewpini azaytish teshebbusini qollap kelgenlikini bildürgen.

pütkül rayon we yawropaning bixeterliki we muqimliqini kapaletke ige qilish üchün musapirlar kirizisigha qarshi yalghuz dégüdekla küresh qilghan türkiyening, liwiyedimu tengpungluqni eslige keltürüsh üchün semimiy tirishchanliq körsetken birdinbir nato ittipaqdishi ikenlikini tekitligen erdoghan, türkiyening hem özi we hem ittipaqdashlirining heq we tirishchanliqlirini nezerde tutup kelgenlikini, oxshash sezgürlükni bashqa ittipaqdash döletlerdin kütidighanliqini bildürgen.

birleshken döletler teshkilati xewpsizlik kéngishi bilen yawropa xewpsizlik we hemkarliq teshkilati qararlirining erméniyeni ishghal qilinghan ezerbeyjan zéminidin derhal, pütünley we aldinqi shertsiz chékinishke chaqiridighanliqini otturigha qoyghan erdoghan, natodiki bezi ittipaqdashlarning térrorluq teshkilati p k k / y p g / p y d bilen hemkarlishishni dawamlashturuwatqan bolushining we fethullahchi térrorluq teshkilati ezalirini himaye qilishining ittipaqdashliq rohini zeherlewatqanliqini küchlük shekilde tekitlep ötken.

jumhur reis erdoghan, «nato ittipaqdashlirining türkiye bilen konkrét ittipaqliqni namayan qilishi» kéreklikige isharet qilip, ittipaqning paalliqining xewpke ittirilmeslikide natoning nahayiti muhim roli we mesuliyiti barliqini sözlirige ilawe qilghan.


خەتكۈچ: #erdoghan , #nato , #türkiye

مۇناسىۋەتلىك خەۋەرلەر