soylu: nurghun yuqiri derijilik térrorchi bir terep qilindi
ichki ishlar ministiri sulayman soylu türkiyede bu yil kirgendin buyan yuqiri derijilik 87 térrorchining bir terep qilinghanliqini éytti.
türkiye awazi radiyosi xewiri: soylu, qoralliq saqchi qisim we sahil bixeterlik akadémiyesining 2020 – 2021 – yilliq oqu – oqutush yili échilish murasimida qilghan sözide, bölgünchi térrorluq teshkilati p k k/k j k ning sheher qurulmisini tekshürüsh jeryanida, «tutush buyruqi chiqirilghanlar tizimliki» diki 105 gumandardin 89 ining qolgha chüshkenlikini, yéqinqi bir ay ichide 15, bu yil kirgendin buyan 87 yuqiri derijilik térrorchining bir terep qilinghanliqini, térrorchilargha qarita qayil qilip, teslim bolushini qolgha keltürüsh paaliyetlirining dawamlishiwatqanliqini tekitlep mundaq dédi: «qayil qilish paaliyetlirimiz, teslim bolush chaqiriqlirimiz, taghdiki her bir térrorluq teshkilati mensubi üchün, köwrüktin ötüshtin burunqi axirqi chiqish yolidur. bu yil kirgendin buyan 187 kishi taghdin chüshüp, teslim boldi. bulardin 15 i özlikidin, 172 si qayil qilish paaliyetliri netijiside teslim boldi.»
