erdoghan waksina toghrisida xush xewer berdi
türkiye jumhur reisi rejep tayyip erdoghan wuxen wirusi (Kovid-19) gha qarshi yerlik waksina tetqiqatlirida xélila yuqiri sewiyege kélingenlikini bildürdi.
türkiye awazi radiyosi xewiri: türkiye jumhur reisi rejep tayyip erdoghan kabént yighinidin kéyin muhim bayanatlarni élan qildi.
u oxshimighan 13 waksina tetqiqatliridin beshining, adem bedinide sinaq qilish basquchigha yéqinlashqanliqi xush xewirini berdi.
u ul-eslihesi uyghun bolghan bir shirketning ayda 20 milyon waksina ishlepchiqirish iqtidarigha ige ikenlikini bildürüp: «ikkinchi shirkitimiz ishlepchiqirish asasini tamamlishi bilen, bu reqem ayda 50 milyonning üstige chiqidu. adem bedini üstide sinaq qilish üchün aldimizdiki ay ming dane waksina ishlepchiqirilidu» dédi.
u wuxen wirusigha qarshi turush dairiside waqitliq toxtitilghan normal oqu-oqutush xizmetliri üstidimu toxtaldi.
u bashlanghuch mektep 2-3- we 4-sinip, toluqsiz 8-sinip we toluq ottura 12-sinip oqughuchilirining, taziliq, maska, ijtimaiy musape qaidelirige riaye qilinghan halda ders bashlaydighanliqini qeyt qildi.
bashlanghuch mektep 1-sinip oqughuchiliri buningdin xéli burunla ders bashlighan idi.