chawushoghlu: barliq organlar erméniyeni ezerbeyjan zéminliridin chékinishke chaqirishi kérek

türkiye tashqi ishlar ministiri mewlüt chawushoghlu natoni öz ichige alghan barliq xelqaraliq organlarning, erméniyege ezerbeyjan zéminliridin chékinishni chaqiriq qilishi kéreklikini éytti.

1503193
chawushoghlu: barliq organlar erméniyeni ezerbeyjan zéminliridin chékinishke chaqirishi kérek

türkiye awazi radiyosi xewiri: türkiye tashqi ishlar ministiri mewlüt chawushoghlu enqerege ziyaretke kelgen nato bash katipi stolténbérg bilen körüshkendin kéyin, ortaq axbarat élan qilish yighini ötküzdi.

mewlüt chawushoghlu erméniyening taghliq qarabaghda biwaste puqralarni hujum nishani qilip, urush jinayiti ötküzgenlikini bildürdi.

u: «ezerbeyjan bolsa, öz zéminlirini qayturuwélish üchün küresh qiliwatidu. natoni öz ichige alghan barliq xelqaraliq organlar, erméniyege ezerbeyjan zéminliridin chékinishni chaqiriq qilishi kérek» dédi.

nato bash katipi stolténbérg türkiyening ittipaq üchün muhim dölet ikenlikini bildürdi we: «türkiye intayin muhim ittipaqdash dölet. afghanistan, kosowu we iraqta natogha muhim töhpilerni qoshti» dédi.

taghliq qarabaghdiki hujumlarning köpiyishidin endishe qiliwatqanliqlirini eskertken stolténbérg: «puqralarning jénidin ayrilghanliqini körgende endishemiz küchiyidu. buningdin bashqa, énérgiye menbelirige bérilidighan ziyan, kishini endishege salidighan menbelerning béri. barliq tereplerge, ‹toqunushlarni baldurraq toxtitishi kérek› déyishimiz kérek. taghliq qarabagh mesilisining herbiy hel qilish charisi yoq» dédi.

«nato türkiyening etrapidiki bixeterlik weziyitige yéqindin diqqet qiliwatidu» dégen bash katip stolténbérg: «türkiye üchün qollishini kücheytish mesiliside, bashqa ittipaqdashlirimizmu qarar alghan bolushi mumkin. türkiyening bixeterliki nato üchün muhim» dédi.

nato bash katipi stolténbérg bügün (2020-yili 5-öktebir) kech terepte rejep tayyip erdoghan teripidin qobul qilinidu. stolténbérgning enqere ziyariti dairiside, dölet mudapie ministiri hulusi akar bilen körüshüshi kütülmekte.

körüshüshlerde, sherqiy aqdéngizning nöwettiki weziyiti we girétsiyening meshghulat rayoni élan qilishining, muzakire témiliri ichide barliqi qeyt qilindi.

stolténbérg ete (2020-yili 6-öktebir) girétsiyede muhim uchrishishlarni ötküzidighanliqi bildürüldi.     



مۇناسىۋەتلىك خەۋەرلەر