erdoghan: quddusni qoghdash her bir musulmanning mejburiyiti

jumhur reis rejep tayyip erdoghan quddusni qoghdashning her bir musulmanning mejburiyiti ikenlikini éytti.

1502351
erdoghan: quddusni qoghdash her bir musulmanning mejburiyiti
kudus konferansi.jpg
kudus'un isiklari.jpg
kudus.jpg

türkiye awazi radiyosi xewiri: jumhur reis erdoghan (siyasiy partiye) huda par teripidin uyushturulghan «xelqaraliq salahiddin eyyubi ilmiy muhakime yighini» munasiwiti bilen partiye reisi ishaq salamgha ewetken uchurida, quddusning ikkinchi fatihi salahiddin eyyubini we qehriman eskerlirini allahtin rehmet télesh bilen esleydighanliqini bildürüp, «salahiddin eyyubi <allahning öyi asaret astida tursa, salahiddin qandaqmu öz öyide uxliyalisun?> dégen quddus ashiqi, katta qomandan idi » dédi.

erdoghan istiqlal marshi shairi mehmet akif ersoyningmu salahiddin eyyubini «sherqning eng söyümlük sultani» dep teriplengenlikini, salahiddin eyyubining musulmanlarning qelbidila emes, belki adaliti, jasariti, rehimdilliki we qehrimanliqi bilen reqiblirining neziridimu bashqiche orungha ige ikenlikini tekitlep: «salahiddin ayyubining bizge qaldurghan eng chong amaniti؛ ehli seliplerning ishghaliyitidin qutuldurup, qaytidin azadliqqa érishtürgen ikkinchi qiblimiz quddustur. quddusni qaytidin berpa qilghan shundaqla barliq étiqadlargha nisbeten bir amanliq we ishench makanigha aylandurghan bizning ejdadlirimizdur» dédi.

quddusqa ige chiqish  hemde uninggha kéreklik hörmet we sezgürlükni körsitish, her bir musulmanning mejburiyiti ikenlikini tekitligen erdoghan: «israiliyening ishghaliyitini qanunluq halgha keltüridighan, israiliyening quddusni we pelestin zéminini qoshuwélish pilanini testiqlaydighan we pelestinlik qérindashlirimizning qanunluq heq – hoquqlirini yoqqa chiqiridighan her qandaq urunush salahiddin eyyubining amanitige qilinghan xiyanettur» dédi.

erdoghan israiliyening «normallashturush» qedemliri (israiliyening aqsarayda ereb birleshme xelipiliki we behreyn bilen imzalighan normallashturush kélishimi) namida tirishchanliqliri küchiyiwatqan bir peytte chaqirilghan bu muhakime yighinining salahiddin eyyubining amanitige uyghun shekilde ümmetning bext-saaditi we quddusning kelgüsi üchün xeyrilik netijilerge wesile bolushini tilidi.



مۇناسىۋەتلىك خەۋەرلەر