türkiye pakistangha tébbiy buyum yardem qildi

türkiye awazi radiyosi xewiri: türkiye qizilay jemiyiti pakistan tarmiqi xadimliri, bügün etigen türkiye hawa yolliri shirkiti ayropilani bilen islamabad xelqara ayrodurumigha yétip barghan yardem buyumlirini kütüwaldi.

türkiye qizilay jemiyitining pakistandiki wekiller ömiki bashliqi ibrahim karlos, kowid - 19 yuqumini tizginlesh xizmetlirining bir qismi süpitide pakistan hökümitige iane qilinidighan 300,000 dane KN-95 maskini özlirining tapshuruwalghanliqini bildürdi.

ibrahim, tamozhna resmiyetliri tamamlanghandin kéyin, pakistan qizil hilal ay jemiyiti bilen hemkarliship bir nechche kün ichide maskilarni hökümetke yetküzidighanliqini qeyt qildi.

pakistan qizil hilal ay jemiyiti arqa sep ishliri emeldari muhemmed eminmu türkiyedin 300 dane maska yardimi alghanliqlirini we bu maskilarning döletning her qaysi jaylirigha tarqitip bérilidighanliqini bildürüp, türkiye qizilay jemiyitige minnetdarliq bildürdi.