erdoghan yawropa ittipaqi komitétining bashliqi bilen körüshti

jumhur reis rejep tayyip erdoghan yawropa ittipaqi komitétining bashliqi ursula won dér léyén bilen sin arqiliq körüshti.

1496299
erdoghan yawropa ittipaqi komitétining bashliqi bilen körüshti

türkiye awazi radiyosi xewiri: jumhur reislik sariyi uchur – alaqe ishliri idarisining bildürüshiche, türkiye – yawropa ittipaqi munasiwetliri we rayonluq özgirishler heqqide muzakire élip bérilghan, hemde 40 minut dawamlashqan uchrishishta, erdoghan, sherqiy aqdéngiz mesilisining sewebining, girétsiye bilen jenubiy qibris rum hakimiyitining adettin tashqiri chong  dewaliri, hemde türkiye we qibris türklirining heq – hoquqlirining yoqqa  chiqiriliish teshebbusi ikenlikini eskertti.

saqliniwatqan mesililerning hel qilinishi üchün bashtin tartipla diyalog terepdari bolup kéliwatqan türkiyening, girétsiye bilen söhbet ötküzüshke teyyar ikenlikini qeyt qilghan jumhur reis erdoghan, diplomatiyege bérilgen pursetning, girétsiye teripidin ilgirikidekla yene qoldin ketküzüp qoyulushini xalimaydighanliqlirini bildürdi.

türkiye bilen yawropa ittipaqi otturisidiki 18 – mart köchmenler kélishim layihesining yéngilinishi, tamozhna birlikining nizamnamilirige tüzitish kirgüzülüshi we türkiye puqralirigha wizisiz sayahet qilish hoquqi bérilishige qarita tashlinidighan qedemlerning, munasiwetlerning tereqqiy qildurulushigha saghlam zémin hazirlap béridighanliqini éytqan jumhur reis erdoghan, köchmenler mesiliside adil yük we mesuliyetni ortaqlishishning zörürlükini eskertish bilen bir waqitta, yawropa ittipaqining, girétsiye bilen yawropa chégra we déngiz qirghiqi bixeterlik orginining, köchmenlerni qayturuwétish tüzümliri arqiliq sadir qiliwatqan kishilik hoquq depsendichiliklirige taqabil turushi lazimliqini tekitlidi.



مۇناسىۋەتلىك خەۋەرلەر