erdoghan stolténbérg bilen téléfonlashti
jumhur reis rejep tayyip erdoghan shimaliy atlantik ehdi teshkilati bash katipi stolténbérg bilen téléfonda körüshti.
türkiye awazi radiyosi xewiri: jumhur reislik sariyi uchur – alaqe ishliri idarisining bildürüshiche, sherqiy aqdéngizdiki özgirishler we türkiye – shimaliy atlantik ehdi teshkilati munasiwetliri heqqide muzakire élip bérilghan uchrishishta, jumhur reis erdoghan, türkiyening sherqiy aqdéngiz mesiliside bashtin tartipla sürkilishni peseytish we diyalog ornitish terepdari bolup kéliwatqanliqini peqet bayanatliri arqiliqla emes, emeliy heriketliri bilenmu ochuq – ashkara halda namayen qiliwatqanliqini bildürdi.
girétsiyening sürkilishni ewj alduruwétishi we ighwagerliklirige qarimay, türkiyening soghuqqan bolush pozitsiyeside ching turup kéliwatqanliqini éytqan erdoghan, kiriziske hel qilish charisi izdesh muzakirilirining tereqqiyatining, girétsiyening jiddiychilikni peseytish yolida tashlighusi semimiy qedemlirige baghliq bolidighanliqini qeyt qildi.
shimaliy atlantik ehdi teshkilati bash katipi stolténbérgning, sherqiy aqdéngiz mesiliside körsitiwatqan tirishchanliqliridin intayin xursen ikenlikini eskertken jumhur reis erdoghan, türkiyenng sherqiy aqdéngiz mesiliside natodiki yarashturush basquchini bashtin tartipla qollap qiliwatqanliqini, hemde muresselishishning ishqa ashurulushini semimiylik bilen arzu qilidighanliqini tekitlidi.
türkiyening, shimaliy atlantik ehdi teshkilatidiki yarashturush xizmitining muweppeqiyetlik halda tamamlinishi we birdeklik hasil qilishni chin dilidin arzu qilidighanliqini éytqan jumhur reis erdoghan, nato hemkarliqi we bu dairide türkiye bilen hemkarlishishning rayonluq mesililerni hel qilishta nahayiti zor ehmiyetke ige ikenlikini qeyt qildi.
