erdoghan: dölitimizning bir tamche süyinimu, bir ghérich tupriqinimu qoghdaymiz

türkiye awazi radiyosi xewiri: jumhur reis erdoghan tiwittérdiki adrési arqiliq bayanat bérip, mesililerni hel qilish we diyalog ötküzüshning ehmiyiti heqqide toxtaldi.

u uchurida, barliq semimiy chaqiriqlargha qulaq sélip diplomatiye orun échish, mesililerni diyalog yoli arqiliq hemme nep alidighan shekilde hel qilishning niyitide bolup kelgenliklirini bildürüp, «türkiye jumhuriyiti döliti 2 ming yilliq ötmüshke ige bir dölettur. qilche tereddut qilmastin bashtin kechürüwatqan bu musapini temkin we soghuqqanliq bilen dawamashturup, arqa – arqidin qiliniwatqan ighwagerchiliklerge qetiy étibar bermey kelmektimiz. barliq semimiy chaqiriqlargha qulaq sélip diplomatiyege imkaniyetning yétishiche orun échish, mesililerni diyalog yoli arqiliq hemme nep alidighan shekilde hel qilishning niyitidimiz. dölitimizning bir tamche süyinimu, bir ghérich zémininimu bu qarash bilen qoghdashni adaqqiche dawamlashturimiz» dégenlerni qeyt qildi.