bozqir b d t omumiy kéngishining bashliqliq wezipisini  ötküzüwalidu

türkiye awazi radiyosi xewiri: bozqir, birleshken döletler teshkilati bash merkizide ötküzülidighan murasimda, 74 – nöwetlik omumiy kéngeshning bashliqi tijjani muhemmed bandtin wezipe ötküzüwalidu.

birleshken döletler teshkilati, bu yil qurulghanliqining 75 – yilliqini tebriklewatqan bir peytte,  193 döletke wekillik qilidighan teshkilatning 75 – nöwetlik omumiy kéngeshning bashliqliq wezipisini wolqan bozqir öteydu.

omumiy kéngeshte 178 döletning qollap awaz bérishi bilen, türkiyedin birleshken döletler teshkilati omumiy kéngishining bashliqliqigha saylanghan tunji shexs bolghan bozqir, 2021 – yili séntebirgiche bu wezipini dawamlashturidu.

birleshken döletler teshkilati omumiy kéngishining bashliqi, olturushlargha riyasetchilik qilidu we kéngeshning ishlirini tertipke salidu. kéngesh yene, her yili birleshken döletler teshkilatining xamchotini belgileydu, hemde kontrol qilidu.

birleshken döletler teshkilati omumiy kéngishida, xelqara jemiyetning omumiy chüshenchisini eks ettüridighan qararlar chiqirilidu.

dunya  rehberlirini her yili séntebir éyida birleshken döletler teshkilati bash merkizide bir yerge jem qilidighan omumiy kéngesh muzakiriliri bolsa, bu yil «wuxen wirusi» sewebidin intérnét muhiti astida ishqa ashurulidu.

22 – séntebir küni bashlinidighan muzakirilerge, dölet we hökümet bashliqliri widéo konférans wasitisi arqiliq ishtirak qilidu.