қалин: түркийәниң һечкимниң земинида көзи йоқ

түркийә авази радийоси хәвири: қалин, аммиви ортақлишиш тор бети Twitter сәһиписидә елан қилған байанатида, гиретсийә билән йавропа иттипақи әллириниң, дипломатийәгә берилгән пурсәтни қолдин берип қоймаслиқи вә мунасип қәдәмләрни ташлишиниң зөрүрлүкини тәкитләп мундақ деди: «түркийә, җумһур рәисиз рәҗәп таййип әрдоғанниң әқил - парасәтлик рәһбәрликидә, мәйли саһәдә болсун, мәйли сөһбәт үстлидә болсун, күчлүк актийор болуш сүпити билән, һәмишә өзиниң һәқ – һоқуқлирини вә түп мәнпәәтлирини җан тикип қоғдимақта. буниңдин кейинму шундақ қилиду. гиретсийә билән йавропа иттипақи дөләтлири дипломатийигә берилгән пурсәтни қолдин берип қоймаслиқи вә мунасип қәдәмләрни ташлиши керәк. шәрқий ақдеңиздики сақлиниватқан мәсилиләрни тинч йол һәл қилиш чариси тепилиши мумкин. һәққанийәткә асаслинидиған, кәң даирилик вә әмәлийәтчил позитсийәләр (бу һәқтә) түрткилик рол ойнайду. түркийәниң һечкимниң земинида көзи йоқтур. әмма һечкимгә һәқ – һоқуқлирини йегүзүш нийитиму йоқтур, бу һәқтә ирадиси қәтийдур.»