чавушоғлу: түркийә ақдеңизда кәйнигә чекинмәйду

түркийә авази радийоси хәвири: түркийә ташқи ишлар министири мәвлүт чавушоғлу бир телевизийә қанилиниң нәқ мәйдан сөһбитигә қатнишип, оруч рәис парахотиниң йеқилғу толуқлаш сәвәбидин анталйаға қайтқанлиқини, буниң муқим болған асираш вә йеқилғу толуқлаш хизмәтлири икәнликини, шуңа мәшғулат вақтини елан қилмиғанлиқини қәйт қилди.

у барбарос вә йавуз парахотлириниң мәшғулатлирини давамлаштуруватқанлиқиниму билдүрди.

у шәрқий ақдеңиздики мәсилини улғайтиш һәрикитидин ваз кечилмигәндә, гиретсийә билән мурәссәлишишниң мумкин әмәсликини тәкитләп: «гиретсийә севилла хәритисидин ваз кәчмисә, бу ихтилап түгимәйду. түркийә билән гиретсийә қошна болуш сүпити билән бивастә көрүшәләйду. әмма, гиретсийә шәрт қойса, бизму шәрт қойимиз» деди.

у йавропа иттипақида оттуриға қойулған түркийәгә қарши ембарго йүргүзүш тәләплири үстидә тохтилип, ембаргони фирансийә, гиретсийә вә җәнубий қибрис рум һакимийитиниң тәләп қилғанлиқини, буни әмәлгә ашиду дәп қаримайдиғанлиқини билдүрди.

у фирансийә пирезиденти макронниң дуруст сийасәтчи әмәсликини, униң пиринсиптин чиқип кәткәнликини әскәртип: «фирансийә һәр җайға һуҗум қиилватиду, мән рәһбәрмән дәватиду. бирақ, мән рәһбәр дейиш билән иш түгимәйду. чүшәндүрүлгәнсери башқа дөләтләр түркийәниң тоғрилиқини көрүватиду. биз көрүшкән барлиқ дөләтләр бизниң қилғанлиримизни биливатиду. бизниң тоғра туруп, түркийәни қолламду йаки гиретсийәни қолламду? мениңчә гиретсийәни таллайду. буни <йавропа иттипақи мәслиһәтчилики> дәйду» деди.

у американиң җәнубий қибрис рум һакимийитигә қорал сетип бериши үстидиму тохталди вә буниң хәлқаралиқ келишимләргә хилап икәнликини билдүрди.