erdoghan sakarya zepiri munasiwiti bilen ishghaliyetchilerge qarshi küresh heqqide muhim sözlerni qildi

jumhur reis rejep tayyip erdoghan: «sakarya zepiri, bügünki kündimu bizning mewjutluqimizni hezim qilalmay, quruq heweslerning arqidin yügreydighanlarning aqiwitining yene ziyan tartishtin ibaret bolidighanliqining alamitidur» dédi.

1489590
erdoghan sakarya zepiri munasiwiti bilen ishghaliyetchilerge qarshi küresh heqqide muhim sözlerni qildi
erdoğan

türkiye awazi radiyosi xewiri: erdoghan 13 - séntebir sakarya zepirining 99 - yilliqi munasiwiti bilen tarqatqan uchurida, türkiye tarixidiki eng muhim urushlarning biri bolghan sakariya meydan urushining ishghaliyetchilerge qarshi milletning wetinini we musteqilliqini qoghdashtiki shanliq kürishining muhim basquchi ikenlikini tekitlidi.

erdoghan sakarya meydan urushi ghelibisining musteqilliq kürishide milletning küchi we ümidini ashurup, parlaméntning xelqara sehnidiki inawitini östürgenlikini, musteqilliq urushidiki axirqi ghelibige yolini achqanliqini tekitlidi.

bu jengde namayan qilinghan birlik we barawerlik, qetiylik we qehrimanliqning bügünge qeder milletke yétekchilik qiliwatqanliqini tekitligen erdoghan yene mundaq dédi:

«sakarya ghelibisi öz nöwitide yene, meyli qeyerde bolishidin qetiy nezer, bizning mewjutluqimizni hezim qilalmay, quruq heweslerning arqisidin yügreydighanlarning aqiwitining yene ziyan tartishtin ibaret bolidighanliqining alamitidur. tarixi zeperlerge tolghan millitimiz milliy mujadile rohi we iradisi bilen héchqandaq zorlap téngishlarni qobul qilmaydighanliqini,  özining heq - hoquqi we menpeetini hemme jayda we barliq sharait astida qetiy qoghdaydighanliqini xuddi tünügünkige oxshashla bügün we kelgüsidimu yene pütün dunyagha körsitip qoyidu. biz ötmüshimizdin hasil qilghan küch bilen dölitimizni menggü saqlap qélish we yéngi ewladlargha téximu yaxshi kelgüsini qaldurush nishanimizgha mas tirishchanliqimizni qetiy dawamlashturimiz. bu munasiwet bilen eziz wetinimizge, musteqilliqimiz we kelgüsimizge ige chiqish yolida jénini pida qilghan barliq shehidlirimizge allahtin  rehmet tileymen. musteqilliq urushidiki barliq qehrimanlarni, bolupmu (jumhuriyetning qurghuchisi) ghazi mustapa kamal (atatürk) ni sakarya ghelbisining xatire künide rehmet we minnetdarliq bilen esleymen. wetendeshlirimgha chin könglümdin salam yollaymen»



مۇناسىۋەتلىك خەۋەرلەر