ئەردوغان ئابې بىلەن تېلېفونلاشتى

تۈركىيە ئاۋازى رادىيوسى خەۋىرى: جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسىنىڭ بىلدۈرۈشىچە، جۇمھۇر رەئىس ئەردوغان سالامەتلىك ئەھۋالىنى نەزەردە تۇتۇپ بىر مەزگىلدىن كېيىن باش ۋەزىرلىك ۋەزىپىسىدىن ئايرىلىدىغانلىقىنى جاكارلىغان شىنزو ئابې بىلەن تېلېفون كۆرۈشۈپ، ئۇنىڭدىن ھال سورىدى ۋە ئەڭ قىسقا ۋاقىت شىپالىق تېپىشىنى ئۈمىد قىلىدىغانلىقىنى بىلدۈرگەن.

تۈركىيە – ياپونىيە مۇناسىۋەتلىرىگە قوشقان مۇھىم تۆھپىلىرى ئۈچۈن ئابېغا رەھمەت ئېيتقان ئەردوغان، ئىككى دۆلەت مۇناسىۋەتلىرىنىڭ بۇنىڭدىن كېيىنمۇ كۈچەيگەن ھالدا داۋاملىشىدىغانلىقىنى ئىشىنىدىغانلىقىنى ئېيتقان.

تۈركىيە – ياپونىيە ھەمكارلىقىنى ھەر ساھەدە چوڭقۇرلاشتۇرۇش ئىرادىسى تەكىتلەپ ئۆتۈلگەن سۆھبەتتە، بۇ يۆنىلىشنى بويلاپ تاشلىنىدىغان كونكرېت قەدەملەر مۇزاكىرە قىلىنغان.