чавушоғлу: башқиларға ишәнгәнләрниң еришидиған нәтиҗиси үмидсизлик болиду

түркийә авази радийоси хәвири: чавушоғлу, измирниң дүшмән ишғалийитидин азад қилинғанлиқиниң 98 – йиллиқини хатириләш мунасивити билән, аммиви ортақлишиш тор бети Twitter сәһиписидә елан қилған байанатида, башқиларға ишинип һәрикәт қилғанларниң еришидиған нәтиҗисиниң үмидсизлик болидиғанлиқини, чүнки буниңдин 98 йил илгириму башқиларға ишәнгәнләрниң үмидсизликтин башқа нәрсигә еришәлмигәнликини әскәртиш билән бир вақитта, мустапа камал ататүркни өз ичигә алған «мустәқиллиқ уруши» да шеһит болуп кәткән барлиқ шеһитлар вә ғазиларни чәксиз һөрмәт вә иптихарлиқ туйғуси ичидә мәңгү йад етидиғанлиқлирини тәкитләп мундақ деди: «буниңдин 98 йил илгири бүгүнки күндә пәқәт измирла әмәс, пүткүл анадолу гиретсийәниң зулмидин халас тапти. дәрвәқә, гиретсийә (анадолу хәлқигә салған зулум – ситәмлири сәвәбидин) төләм төләшкә мәһкум қилинди. шу вақиттиму башқиларға ишәнгәнләрниң еришкән нәтиҗиси үмидсизлик болди, халас.»

адаләт вә тәрәққийат партийәси байанатчиси өмәр чәликму, измирниң дүшмән ишғалийидин азад қилинғанлиқиниң 98 – йиллиқини хатириләш мунасивити билән, аммиви ортақлишиш тор бети Twitter сәһиписидә елан қилған байанатида, «мустәқиллиқ күриши» ниң ғази, баш қомандан мустапа камал ататүрк вә «мустәқиллиқ уруши» ниң пидакар қәһриманлирини чәксиз һөрмәт вә иптихарлиқ туйғуси ичидә мәңгү йад етидиғанлиқлирини тәкитләп мундақ деди: «шәрқий ақдеңизда һәқ – һоқуқлиримиз вә түп мәнпәәтлиримизгә хирис қилғучилар, йаки <мәис арили> дин иғвагәрлик қилғучилар, бүгүнки күндики измирдики хәлқимизниң егилмәс – сунмас ирадиси вә мислисиз җасаритигә нәзәр ташлисун. түркийә достлири үчүн капаләтттур, тинчлиқни халайдиғанлар үчүн ишәнч мәнбәсидур. сөһбәт үстилидә дийалог орнитишни халайдиғанлар үчүн сөһбәт үстилидимиз. саһәдә адаләтсизликни зорлап теңишниң куйида болуватқанларға қарши саһәдимиз. бүгүн ирадимизниң қәтийликини измирдин билдүрүватимиз. районниң капалити чоң дөләт болуш сүпитимиз билән, қанун вә һәққанийәт йолида маңғучиларниң әң чоң иттипақдишимиз. инақ қошнидарчилиқ мунасивәтлирини үмид қилғучилар үчүн мәңгүлүк достмиз. буниң дәл әксичә ой – пикирләрдә болғучиларниң һәрбир пилани үмидсизлик билән нәтиҗилинидиған хата пилан болиду.»