«гиретсийә билән шәртсиз дийалог орнитишқа тәййармиз»

түркийә шәрқий ақдеңиз сүркилиши мәсилисидә гиретсийә билән шәртсиз дийалог орнитишқа тәййар икәнликини билдүрди.

1484407
«гиретсийә билән шәртсиз дийалог орнитишқа тәййармиз»

түркийә авази радийоси хәвири: түркийә ташқи ишлар министирлиқи тәрипидин бу һәқтә елан қилинған байанатта, шималий атлантик әһди тәшкилати баш катипи столтенбергниң, шәрқий ақдеңизда түркийә билән гиретсийә оттурисида сүркилишни азайтиш, деңиз вә су тәвәлики саһәлиридә көңүлсиз  һадисиләрниң алдини елиш тәшәббусиниң ишқа кириштүрүлгәнликини ейтқанлиқи тәкитлинип мундақ дейилди: «дөлитимизму қоллаватқан бу тәшәббус, шималий атлантик әһди тәшкилати баш катипи столтенбергниңму әскәрткинидәк, икки дөләт оттурисида нато қармиқида һәрбий – техникилиқ алаһидиликкә игә музакириләрниң башлитилишини мәзмун қилиду. җүмлидин, музакириләр, түркийә билән гиретсийә оттурисидики сақлиниватқан мәсилиләрни һәл қилишни әмәс, әксичә, илгири  икки дөләтниң һәрбий даирилири пүтүшкән нуқтиларни асас қилиду.»

түркийәниң, гиретсийә билән барлиқ мәсилиләргә, хәлқара қанун даирисидә адил вә вәққанийәткә уйғун, узақ мәзгиллик чарә тепилиши үчүн шәртсиз дийалог орнитишқа тәййар икәнлики әскәртилгән байанатта, гиретсийә тәрәпму бу дийалогни қоллашқа чақириқ қилинди.

шималий атлантик әһди тәшкилати баш катипи столтенберг, түркийә билән гиретсийәниң, шәрқий ақдеңизда тоқунушниң алдини елиш миханизимлири орнитиш мәқситидә, техникилиқ музакириләрни елиш бериш үчүн пүтүшкәнликини җакарлиғаниди.



مۇناسىۋەتلىك خەۋەرلەر