чавушоғлу: гиретсийә дийалог орнитишни халимайдиғанлиқини йәнә бир қетим намайән қилди

түркийә ташқи ишлар министири мәвлүт чавушоғлу гиретсийәниң шималий атлантик әһди тәшкилатиниң мурәссәчилики мәсилисидә йалған ейтип, дийалог орнитишни халимайдиғанлиқини йәнә бир қетим намайән қилғанлиқини билдүрди.

1484840
чавушоғлу: гиретсийә дийалог орнитишни халимайдиғанлиқини йәнә бир қетим намайән қилди

түркийә авази радийоси хәвири: чавушоғлу, пайтәхт әнқәрәдә күнтәртип һәққидә елан қилған байанатида, шәрқий ақдеңиздики сүркилиш тоғрулуқ шәртсиз сөһбәт өткүзүш тәклипини гиретсийә дипломатийә министириниң қобул қилмиғанлиқини тәкитләп мундақ деди: «гиретсийәниң шималий атлантик әһди тәшкилати баш катипи столтенбергни йалғанға чиқириши толиму ибрәтлик иштур. бу нуқтида йалған ейтватқан тәрәп баш катип әмәс, әксичә гиретсийәдур. гиретсийә бу арқилиқ дийалог өткүзүшни халимайдиғанлиқини йәнә бир қетим намайән қилди.»

түркийәниң һәрдаим дийалог тәрәпдари икәнликини әскәрткән чавушоғлу, мундақ дәп көрсәтти: «һәқлиқ болған тәәрәп һәргизму дийалог орнитиштин өзини қачурмайду. дәрвәқә, гиретсийә һәқлиқ әмәсликини обдан билиду. гиретсийә барлиқ һәқ – һоқуқлиримиздин ваз кечишимизни күтүватқан болса, гиретсийәниң бу арзуси һәргизму ишқа ашмайду. гиретсийәниң һәқлиқ әмәслики йавропа иттипақи әллиригиму айан, әлвәттә.»

түркийәниң бирдинбир нишаниниң өзиниң һәқ – һоқуқлирини җан тикип қоғдаш болуп, башқиларниң һәқ – һоқуқлирида көзи йоқлуқини әскәрткән чавушоғлу, фирансийәниң түркийәдин очуқ - ашкара кәчүрүм сориши лазимлиқини тәкитләп мундақ деди: «чүнки, гиретсийәни әң көп күшкүрткүчи дөләт фирансийәдур. бундақ қутратқулуқ қилишниң һечкимгә пайдиси йоқтур. бу позитсийәси фирансийәниму күлкилик әһвалға чүшүрүп қойуватиду.»



مۇناسىۋەتلىك خەۋەرلەر