türkiye amérikaning jenubiy qibrisqa yürgüzüwatqan qoral émbargosini bikar qilishini eyiblidi
türkiye, amérika qoshma ishtatlirining jenubiy qibris rim dairilirige qoyghan qoral - yaragh émbargosini bikar qilishining ittipaqdashliq rohigha mas kelmeydighanliqini tekitlidi.
türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, amérikaning jenubiy qibris rim dairilirige qaratqan qoral émbargosini bikar qilish qararining araldiki ikki xelq (türkler bilen rimlar) otturisidiki barawerlik we tengpungluqni nezerdin saqit qilish ikenlikini bildürdi.
bu qararning qibris mesilisini hel qilish tirishchanliqigha passip tesir körsitidighanliqi tekitlengen bayanatta, «sherqiy ottura déngizdiki jiddiychilikni peseytish üchün tirishchanliq körsitiliwatqan bir peytte, amérikaning rayonning tinchliqi we muqimliq muhitini zeherleydighan bundaq qararni imzalishi, ittipaqdashliq rohi bilen sighishalmaydu» déyildi.
bayanatta yene, «biz amérikaning bu qararini közdin kechürüshini, rayonning tinchliqi we muqimliqini qoghdash tirishchanliqini qollishini ümid qilimiz. undaq bolmighanda, türkiye képil dölet bolush süpiti bilen, qibris türklirining bixeterlikige kapaletlik qilish yolida zörür bolghan qanuniy we tarixiy mesuliyetni ada qilish üchün, qetiylik bilen (oxshash usulda) qarshi qedemlerni tashlaydu» dégen ibarilerge orun bérildi.
amérika 1987 - yildin bashlap jenubiy qibris rim dairilirige qoral émbargosi yürgüzüp kelmekte idi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
