jumhur reislik külliyeside 300 uchquchisiz ayropilan bilen 30 - awghust zeperi qutlinidu

30 - awghust zeper bayrimi munasiwiti bilen jumhur reislik külliyeside 300 uchquchisiz ayropilan bilen «30-awghust zepiri» témiliq nurlandurush paaliyiti ötküzülidu.

1481470
jumhur reislik külliyeside 300 uchquchisiz ayropilan bilen 30 - awghust zeperi qutlinidu
erdogan tebrik kutlama
23 Nisan Kutlama (19).jpg

türkiye awazi radiyosi xewiri: jumhur reislik uchur – alaqe idarisining bayanatigha asaslanghanda, 30 - awghust zeper bayrimi munasiwiti bilen jumhur reis rejep tayyip erdoghanning anitkabir ziyariti bilen bashlinip, jumhur reislik külliyeside dawamlishidighan tebriklerni qobul qilish paaliyetliri, parattin kéyin kechtimu yene dawamlishidu.

jumhur reislik külliyeside jumhur reislik muhapizetchi etriti bilen dölet mudapie ministirliqi barbanchi etriti we garmonika muzika etriti birleshmisi türkiye waqti saet 20.30 de zeper bayrimi üchün mexsus konsért béridu.

konsért jumhur reislik we uchur – alaqe idarisining yutob qanallirida shundaqla ijtimaiy taratqu hésabatliridin bashqa yene, téléwiziye qanalliridimu biwasite tarqitilidu.

konsérttin kéyin uchur – alaqe idarisi teripidin  jumhur reislik külliyesi üstide 300 uchquchisiz ayropilan bilen «30-awghust zepiri» témiliq nurlandurush paaliyiti ötküzülidu.

türk millitining musteqilliq urushidiki uyushushchanliqi, küreshliri we ghelibisige simwol qilinghan körünüshler asmanda nurlandurush arqiliq namayan qilinidu.

uchur – alaqe idarisi teripidin bursa, chanaqqele, samsun, konya, qeyseri, antalya we diyarbakir qatarliq 7 wilayette tesis qilinghan éléktironluq körgezme merkezliridimu «30-awghust zepiri» témisi astida ziyaretchiler kütüwélinidu.

«30-awghust zepiri»ning  menisi we ehmiyitini untuldurmasliq üchün ghazi mustapa kamal atatürk rehberlikide milletning élip barghan küreshliri, yéngi körünüsh téxnikilirini ishlitish arqiliq éléktironluq shekilde körsitilidu.

kino awaz sistémisi bilen birge üch ölchemlik resim (gologramma), 360 gradusluq sin we sin xeritilesh téxnikiliri ishlitilip, «30-awghust zepiri» chüshendürilidighan merkezlerde, emalar we gaslar  üchünmu mexsus téxnéka arqiliq tosalghusiz körüsh we  isharet tili bilen anglash émkaniyiti yaritip bérilidu.



مۇناسىۋەتلىك خەۋەرلەر