türkiye amérikagha qattiq naraziliq bildürdi
türkiye amérika qoshma ishtatlirining hamas dairilirining jumhur reis rejep tayyip erdoghan teripidin qobul qilinishigha alaqidar bayanatigha qattiq naraziliq bildürdi.
1479181
türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan bayanatta mundaq déyildi: «jumhur reisiz rejep tayyip erdoghanning haams dairilirini qobul qilishi toghruluq amérika qoshma ishtatliri tashqi ishlar ministirliqi heddini éship bayanat élan qildi. biz bu bayanatni ret qilimiz. ghezzede démokratik saylamlar arqiliq hakimiyet béshigha chiqqan hamasning qanunluq wekilining amérika qoshma ishtatliri teripidin térrorchi dep atilishi, rayonda tinchliq we muqimliq ornitish tirishchanliqlirigha hesse qoshmaydu.»
amérika qoshma ishtatliri tashqi ishlar ministirliqi bayanat élan qilip, jumhur reis rejep tayyip erdoghanning ötken hepte hamas heyitini qobul qilishini tenqid qilghanidi.
