türkiye girétsiyege jawab qayturdi

türkiye girétsiyege «qariye jamesi» toghruluq jawab qayturdi.

1477301
türkiye girétsiyege jawab qayturdi

türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, girétsiye tashqi ishlar ministirliqining «qariye jamesi» ning ibadetke échilishi heqqide élan qilghan bayanatigha munasiwetlik soalgha bergen yazma jawabida mundaq dédi: «<qariye jamesi> xuddi <ayasofya jamesi> ge oxshashla türkiyening igidarchiliqidiki medeniyet bayliqidur. bir dunya mirasi saheside ishqa ashurulghan salahet özgirishi, birleshken döletler teshkilati maarip, ilim-pen we medeniyet orgini (UNESCO) ning dunya medeniyetliri we tebiiy miraslirini qoghdashqa alaqidar ehdinamisige xilap emestur. derweqe, türkiyediki medeniyet bayliqliri jan tikip qoghdalmaqta. medeniyitimiz we tariximizdin miras qalghan xushpélliq enenimiz we xelqaraliq ehdinamilerge asaslinidighan heq – hoquqlirimiz hem mesuliyetlirimiz dairiside barliq medeniyet bayliqlirimizni jan tikip qoghdawatimiz.»

aqsoy, girétsiyening dölettiiki osmanli impériyesi jameliri bilen mesjidlirini chérkawlargha aylandurghanliqini, xelqaraliq kélishimlerge pisent qilmay, az sanliq türklerning kishilik heq – hoquqliri we erkinliklirige her türlük bésim siyasetliri arqiliq cheklime qoyuwatqanliqini eskertip mundaq dédi: «girétsiyening bu heqte bizge wez – nesihette bolushqa urunushi heddidin ashqanliqtur. girétsiyening tarixiy xiyalpereslikining helekchilikide rayonda süniy küntertiplerni yaritishqa urunushi meghlubiyetke mehkumdur. girétsiyeni yene bir qétim öz tarixi bilen yarishishqa we musulmanlarning bimalal halda taet - ibadet qilalishi üchün, ulargha tégishlik imkaniyetlerni yaritip bérishke chaqirimiz.»



مۇناسىۋەتلىك خەۋەرلەر