akar: türkiye girétsiye bilen mesililerni diyalog arqiliq hel qilishni xalaydu

türkiye dölet mudapie ministiri hulusi akar türkiyening sherqiy aqdéngizda girétsiye bilen énérgiye menbeliri izdesh ishliri tüpeylidin bashlanghan jiddiychiliklerni diyalog arqiliq hel qilishni xalaydighanliqini éytti.

1471747
akar: türkiye girétsiye bilen mesililerni diyalog arqiliq hel qilishni xalaydu

türkiye awazi radiyosi xewiri:dölet mudapie minstiri hulusi akar merkizi engliye paytexti londongha jaylashqan roytérs agéntliqining ziyaritini qobul qildi we enqerening rayondiki heq-hoquqlirini we menpeetlirini qoghdaydighanliqini bildürdi.

u: «shundaq bolsimu, temkinlikning ghalip kélidighanliqigha ishinishni xalaymiz. biz hem meydanlarda hemde üstelde xelqara qanunni, yaxshi qoshnidarchiliq munasiwetlirini we diyalogni qollaymiz.xelqara qanungha uyghun tinchliq yolliri bilen siyasiy hel qilish charilirini tépishni xalaymiz» dédi.

u türkiyening sahillarda heq-hoquqini, munasiwetlik menpeetlirini dawamliq qoghdaydighanliqini eskertip: «bu nuqta bilinishi kérekki, déngizlirimiz bizning mawi wetinimizdur. her bir tamchisi qimmetlik. biz qibrisliq qérindashlirimizning heq-hoquqini, özimizning heq-hoquqini qoghdash üchün her türlük küreshni qilishqa teyyarmiz. türkiyeni sahillargha solap qoymaqchi bolghan eqil we mentiqighe uyghun bolmighan atalmish séwilla xeritisini mejburiy téngishni, yaxshi qoshnidarchiliq, qanun we ittipaqdashliq munasiwetliri bilen chüshendürüsh mumkin emes» dédi.

u axirida, misir bilen girétsiye otturisidiki kélishim qanuniy asastin yiraq bolushtin bashqa, misir xelqining heq-hoquqi üchün yoqitish bolidighanliqini bildürdi.



مۇناسىۋەتلىك خەۋەرلەر