oruch reis sherqiy aqdéngizdiki paaliyet rayonigha yétip bardi

oruch reis paraxotining 2020-yili 23-awghustqiche dawamlishidighan yer tewresh tekshürüsh rayoni üchün déngizchilargha bérilidighan uqturush élan qilindi.

1470403
oruch reis sherqiy aqdéngizdiki paaliyet rayonigha yétip bardi

türkiye awazi radiyosi xewiri: oruch reis paraxoti «ataman» we «chinggizxan» isimlik ​​paraxotlar bilen birlikte ilgiri élan qilinghan rayonda, qibris déngiz tewelikide we sherqiy aqdéngizda yer tewresh tetqiqati élip baridu.

oruch reis paraxoti her xil géologiyelik, géo fizikiliq, gidro grafik we déngiz-okyan tetqiqati bilen shughullinalaydu, bolupmu chong quruqluq tekchisi we tebiiy bayliqlarni tekshüreleydu.

oruch reis paraxoti dunyadiki kem uchraydighan tetqiqat paraxotlirining biri bolush süpiti bilen, esliheliri toluq we köp iqtidarliq, géo fizikiliq tekshürüsh we üch ölchemlik yer tewresh hemde tartish küchi tetqiqatlirini élip baralaydu. buningdin bashqa yene, 8 ming métirliq chongqurluqta üch ölchemlik, 15 ming métir chongqurluqta ikki ölchemlik yer tewresh meshghulatlirinimu élip baralaydu.

énérgiye we tebiiy bayliq ministiri fatih donmez oruch reis yer tewresh tetqiqat paraxotining yéngi wezipisi antalyadin heriketlinip, sherqiy aqdéngizdiki tetqiqat rayonigha yétip barghanliqini éytti.

u twittér adrésida élan qilghan bu heqtiki bayanatida, türkiyening énérgiye musteqilliqi üchün aqdéngiz we qara déngizdiki tekshürüp, tetqiq qilish xizmetlirining izchil dawamlishidighanliqini bildürdi.

u hembehirligen uchurida, oruch reisning fotografigha alahide orun ajratti.



مۇناسىۋەتلىك خەۋەرلەر