türkiye türk döletlirige tébbiy buyum iane qilidu

türkiye bilen kowid – 19 yuqumigha qarshi küresh dairiside kélishim imzalighan shimaliy qibris türk jumhuriyti, ezerbeyjan, qirghizistan we qazaqistangha her xil tébbiy buyumlar iane qilinidu.

1468310
türkiye türk döletlirige tébbiy buyum iane qilidu

türkiye awazi radiyosi xewiri: enqerede 8 – iyulda imzalanghan «türkiye jumhuriyiti hökümiti bilen shimaliy qibris türk jumhuriyti hökümiti otturisda sehiye sahesi boyiche özara iane qilishqa dair kélishim» ning ijra qilinishqa bashlighanliqigha dair qarar resmiy gézitte élan qilindi.

buninggha asasen, türkiye shimaliy qibris türk jumhuriytige 5 dane jiddiy qutquzush aptomobili, 20 ming dane poliméraza zenjirsiman réaksiye analizatori , 20 ming dane yadro kislatasi ewrishke élish üskinisi, 100 ming dane opératsiye maskisi, 50 ming dane n-95 tipliq maska, 20 ming dane qoghdinish kiyimi, 2 dane kabinikiliq poliméraza zenjirsiman réaksiye analizatori  iane qilidu.

resmiy gézitte yene, 6 – awghustta enqerede imzalanghan «türkiye jumhuriyiti hökümiti bilen ezerbeyjan jumhuriyti hökümiti otturisda sehiye sahesi boyiche özara iane qilishqa dair kélishim» ning ijra qilinishqa bashlighanliqigha dair qararmu élan qilindi.

kélishimning rohigha asasen, türkiye ezerbeyjangha 30 dane süniy nepeslendürgüch, 35 ming qoghdinish kiyimi, 50 ming dane n-95 tipliq maska, 100 ming dane opératsiye maskisi, 5 ming dane közeynek, 200 ming dane peley we 40 ming quta dora iane qilidu.

enqerede 7 – iyulda imzalanghan «türkiye jumhuriyiti hökümiti bilen qirghizistan jumhuriyti hökümiti otturisda sehiye sahesi boyiche özara iane qilishqa dair kélishim» ning ijra qilinishqa bashlighanliqigha dair qararmu resmiy gézitning bügünki sanida élan qilindi.

buninggha asasen, türkiye qirghizistangha 20 dane süniy nepeslendürgüch üskünisi, 50 ming dane n-95 tipliq maska, 100 ming dane opératsiye maskisi, 35 ming dane qoghdinish kiyimi, 20 ming dane poliméraza zenjirsiman réaksiye analizatori, 20 ming dane yadro kislatasi ewrishke élish üskinisi, 10 ming quta dora, 50 dane köchme okségin toluqlash apparati iane qilidu.

enqerede 1 –  we 7 – iyul künliri türkiye bilen qazaqistan otturisida imzalanghan sehiye sahesi boyiche özara iane qilish kélishimining ijra qilinishqa bashlighanliqi toghrisidiki resmiy gézitning xewirige qarighanda, türkiye qazaqistangha 3 dane süniy nepeslendürgüch iane qilidiken.



مۇناسىۋەتلىك خەۋەرلەر