түркийә түрк дөләтлиригә теббий буйум ианә қилиду

түркийә билән ковид – 19 йуқумиға қарши күрәш даирисидә келишим имзалиған шималий қибрис түрк җумһурийти, әзәрбәйҗан, қирғизистан вә қазақистанға һәр хил теббий буйумлар ианә қилиниду.

1468310
түркийә түрк дөләтлиригә теббий буйум ианә қилиду

түркийә авази радийоси хәвири: әнқәрәдә 8 – ийулда имзаланған «түркийә җумһурийити һөкүмити билән шималий қибрис түрк җумһурийти һөкүмити оттурисда сәһийә саһәси бойичә өзара ианә қилишқа даир келишим» ниң иҗра қилинишқа башлиғанлиқиға даир қарар рәсмий гезиттә елан қилинди.

буниңға асасән, түркийә шималий қибрис түрк җумһурийтигә 5 данә җиддий қутқузуш аптомобили, 20 миң данә полимераза зәнҗирсиман реаксийә анализатори , 20 миң данә йадро кислатаси әвришкә елиш үскиниси, 100 миң данә оператсийә маскиси, 50 миң данә н-95 типлиқ маска, 20 миң данә қоғдиниш кийими, 2 данә кабиникилиқ полимераза зәнҗирсиман реаксийә анализатори  ианә қилиду.

рәсмий гезиттә йәнә, 6 – авғустта әнқәрәдә имзаланған «түркийә җумһурийити һөкүмити билән әзәрбәйҗан җумһурийти һөкүмити оттурисда сәһийә саһәси бойичә өзара ианә қилишқа даир келишим» ниң иҗра қилинишқа башлиғанлиқиға даир қарарму елан қилинди.

келишимниң роһиға асасән, түркийә әзәрбәйҗанға 30 данә сүний нәпәсләндүргүч, 35 миң қоғдиниш кийими, 50 миң данә н-95 типлиқ маска, 100 миң данә оператсийә маскиси, 5 миң данә көзәйнәк, 200 миң данә пәләй вә 40 миң қута дора ианә қилиду.

әнқәрәдә 7 – ийулда имзаланған «түркийә җумһурийити һөкүмити билән қирғизистан җумһурийти һөкүмити оттурисда сәһийә саһәси бойичә өзара ианә қилишқа даир келишим» ниң иҗра қилинишқа башлиғанлиқиға даир қарарму рәсмий гезитниң бүгүнки санида елан қилинди.

буниңға асасән, түркийә қирғизистанға 20 данә сүний нәпәсләндүргүч үскүниси, 50 миң данә н-95 типлиқ маска, 100 миң данә оператсийә маскиси, 35 миң данә қоғдиниш кийими, 20 миң данә полимераза зәнҗирсиман реаксийә анализатори, 20 миң данә йадро кислатаси әвришкә елиш үскиниси, 10 миң қута дора, 50 данә көчмә оксегин толуқлаш аппарати ианә қилиду.

әнқәрәдә 1 –  вә 7 – ийул күнлири түркийә билән қазақистан оттурисида имзаланған сәһийә саһәси бойичә өзара ианә қилиш келишиминиң иҗра қилинишқа башлиғанлиқи тоғрисидики рәсмий гезитниң хәвиригә қариғанда, түркийә қазақистанға 3 данә сүний нәпәсләндүргүч ианә қилидикән.



مۇناسىۋەتلىك خەۋەرلەر