вирус йуқтурулған түрк йүк аптомобили шопури русийәдин елип келинди

русийәдә вухән вируси (ковид – 19) йуқтурувалғанлиқи ениқлинип бир мәзгил даваланған 60 йашлиқ йүк аптомобили шопири кәмал йилмаз түркийәгә елип келинди.

1467481
вирус йуқтурулған түрк йүк аптомобили шопури русийәдин елип келинди

түркийә авази радийоси хәвири: русийәдә вухән вируси (ковид – 19) йуқтурувалғанлиқи ениқлинип бир мәзгил даваланған 60 йашлиқ йүк аптомобили шопири кәмал йилмаз түркийә җумһурийити сәһийә министирлиқиниң җиддий қутқузуш айропилани билән трабзонға елип келинип балнистқа елинди.

трабзондин русийәгә кәткән, 26 – ийулда волгоград шәһиридики дохтурханида ковид – 19 йуқтурувалғанлиқиға дийагноз қойулған 60 йашлиқ йүк аптомобили шопири кәмал йилмазниң аилиси униң трабзонда давалиниши үчүн алақидар орунларға илтимас сунғаниди.

кәмал йилмаз муавин ташқи ишлар министири йавуз сәлим қиранниң тиришчанлиқи сайисида сәһийә министирлиқиниң җиддий қутқузуш айропилани билән түркийәгә елип келинди.

трабзон айродурумиға қонған айропиландин сәһийә хадимлири тәрипидин елинған йилмаз, җиддий қутқузуш аптомобили билән трабзон қануни тәлим – тәрбийә вә тәтқиқат дохтурханисиға елип келинип балнистқа йатқузулди.



مۇناسىۋەتلىك خەۋەرلەر