түркийә йавропа қийин - қистақниң алдини елиш комитетиниң доклати тоғрисида байанат бәрди

түркийә, йавропа қийин – қистақниң алдини елиш комитетиниң 2017 вә 2019 – йиллиридики зийарәтлиригә даир доклатлири вә бу доклат тоғрисидики түркийә һөкүмитиниң қарашлириниң елан қилинғанлиқини уқтурди.

1467476
түркийә йавропа қийин - қистақниң алдини елиш комитетиниң доклати тоғрисида байанат бәрди

түркийә авази радийоси хәвири: түркийә җумһурийити ташқи ишлар министирлиқи йазма байанат елан қилип, йавропа қийин – қистақниң алдини елиш комитетиниң доклати тоғрисида мәлумат бәрди.

йавропа қийин – қистақниң алдини елиш комитетиниң, 2017 – йили 10 – майдин 23 – майғичә болған арилиқтики түркийәгә қаратқан 7 – қетимлиқ зийарити билән 2019 – йили 6 – майдин 17 – майғичә болған арилиқтики «ad hoc» зийарити тоғрисида тәййарлиған доклатлири вә түркийәниң бу доклатларға бәргән пикирлириниң һөкүмәтниң рухситигә асасән бүгүн йавропа қийин – қистақниң алдини елиш комитети тәрипидин елан қилинғанлиқи әскәртилди.

алақидар материйалларни йавропа қийин – қистақниң алдини елиш комитетиниң интернет сәһиписидин көргили болидиғанлиқиға ишарәт қилинған байанатта, «дөлитимиз йавропа кеңишиниң мустәқил тәкшүрүш механизмлириға вә тәрәп болған келишимләр даирисидә бу механизмлар билән һәмкарлиқ орнитишқа әһмийәт бериду. йавропа қийин – қистақниң алдини елиш комитетиниң мәзкур зийарәт доклатиниң вә һөкүмәт қарашлиримизиниң елан қилинишиму бу чүшәнчимизни намайан қилмақта» дегән ибариләргә орун берилди.



مۇناسىۋەتلىك خەۋەرلەر