shentop bir qisim döletlerning  parlamént bashliqliri bilen héytlashti

türkiye awazi radiyosi xewiri: türkiye büyük millet mejlisi teripidin bu heqte élan qilinghan yazma bayanatta eskertilishiche, shentop, aldi bilen, tunis parlamént bashliqi rashid elghennushi bilen téléfonda körüshken. téléfon söhbitide,  shentop qurban hyétning ikki dölet otturisida we islam dunyasi üchün xeyrlik bolushini janabiy allahtin tileydighanliqini ipadiligen, hemde ghennushining qurban hyétini tebrikligen. shuning bilen bir waqitta, tunistiki yéqinqi özgirishlerni yéqindin közitiwatqanliqlirini, qoshna liwiyediki özgirishler nezerge élinghinida, tunisning siyasiy muqimliqining nahayiti zor ehmiyetke ige ikenlikini, türkiyening dost we qérindash dölet tunis xelqining hemishe yénida ikenlikini tekitligen.

tunis parlamént bashliqi ghennushimu téléfon söhbitidin intayin xursen ikenlikini eskertip mundaq dégen: «qérindash dölet türkiye bilen bolghan munasiwetlirimizning intayin küchlük bolushi üchün imkaniyetning bariche tirishchanliq körsitiwatimiz.»

shentop kéyinche qazaqistan parlamént bashliqi maulén asimbayéw, jibuti parlamént bashliqi muhemmed eli hamid we aljiriye parlamént bashliqi sulayman shénin qatarliqlar bilen téléfonda körüshüp, hyétlashqan.

rehberler qurban hyétqa munasiwetlik arzu –armanlirini ipadileshken téléfon söhbetliride,  döletler ara hemkarliqni yenimu yüksek sewiyege yetküzüshning zörürlükini tekitleshken.