ayasofya bügün ibadetke échilidu

türkiye awazi radiyosi xewiri: türkiye diniy ishlar idarisi (diyanet) uyushturghan dua pirogrammisi bashlandi. bezi quran süriliri we dualar oqulidighan pirogramma, diniy ishlar idarisining bashliqi eli erbashning duasi bilen axirlishidu.

ayasofyai kebir jameside namaz oqushni arzu qilghan kishiler, etigendin tartipla tekshürüsh nuqtilirida uzun öchret hasil qildi.

mesul kishiler wuxen wirusi (Kovid-19) sewebi bilen, jamege kirish nuqtilirida kishilerning qoligha dizinféksiye suyuqluqi chachqandin kéyin, maska we bir qétimla namaz oqushqa bolidighan jeynamaz tarqatti, kishilerning témpératurasini közetti.

jumhur reis reqep tayyip erdoghan bilen milliyetchi heriket partiyesining bashliqi dewlet baghchelining qatnishishi kütülüwatqan échilish murasimi munasiwiti bilen, nurghun yerlik we chet ellik sayahetchilerning kelgenliki bildürüldi.

keng kölemde we qattiq bixeterlik tedbirliri élinghan rayonda, nurghun saqchilar orunlashturuldi.