й п г / п к к әзаси бир террорчи әнқәрәдә қолға чүшүрүлди

сүрийәдин түркийәгә қанунсиз йоллар арқилиқ кирип әнқәрәгә кәлгән бөлгүнчи террорлуқ тәшкилати п к к / й п г әзаси бир террорчи хәвпсизлик күчлири тәрипидин қолға чүшүрүлди.

1460406
й п г / п к к әзаси бир террорчи әнқәрәдә қолға чүшүрүлди

түркийә авази радийоси хәвири: сүрийәдин түркийәгә қанунсиз йоллар арқилиқ кирип әнқәрәгә кәлгән бөлгүнчи террорлуқ тәшкилати п к к / й п г әзаси бир террорчи хәвпсизлик күчлири тәрипидин қолға чүшүрүлди вә сот мәһкимисиниң қарариға асасән тутқун қилинип түрмигә йолланди.

сақчиларниң дигитал тәкшүрүшлири нәтиҗисидә гумандарниң террорлуқ тәшкилатиниң формисини кейгән һалда қораллиқ чүшкән фото – сүрәтлириниң барлиқи ениқланди. бөлгүнчи террорлуқ тәшкилатиниң аталмиш каттибешиниң рәсими алдида чүшкән фото – сүрәтлириму байқалған вә бу арқилиқ кимлики ениқланған террорчиниң сүрийәдики тоқунуш районлирида вәзипә өтигәнлики җәзмләштүрүлди.

йәнә бир тәрәптин, ирақниң шималидики хакурк районида орни ениқланған бөлгүнчи террорлуқ тәшкилати п к к әзаси 2 террорчиниң һавадин зәрбә бериш һәрикити арқилиқ бир тәрәп қилинғанлиқи билдүрүлди.

түркийә җумһурийити дөләт мудапиә министирлиқи тивиттер адреси арқилиқ байанат берип, қәтийлик билән давамлаштурулуватқан һәрбий һәрикәтләр нәтиҗисидә, хакурк районида орни ениқланған п к к әзаси икки террорчиниң һавадин зәрбә бериш һәрикити арқилиқ битәрәп қилинғанлиқини уқтурди.

байанатта, зәрбә бериш һәрикәтлириниң үзлүксиз давамлишиватқанлиқи тәкитләнди.



مۇناسىۋەتلىك خەۋەرلەر