ayasofya 24-iyul (2020) ibadetke échilidu

ayasofya jameside oqulidighan tunji qétimliq namaz teyyarliqliri qiliniwatqan bir waqitta, jumhur reis rejep tayyip erdoghan bir uchur hembehirlidi.

1459928
ayasofya 24-iyul (2020) ibadetke échilidu

türkiye awazi radiyosi xewiri: jumhur reis rejep tayyip erdoghan hembehirligen uchurida, yüjel arzen sözi we muzikisini ishligen «ayasofya» naxsha albomigha orun ajratti. naxshini oxshimighan döletlerdiki senetchiler oqudi.

qirghizche, boshnaqche, albanche, ezeriche, kürtche (kord), swahiliche, erebche, bingalche we yüjel arzen teripidin türkche oqulghan naxsha albomi we naxsha téksti zor qiziqish qozghidi.

rejep tayyip erdoghan uchurida: «ayasofya ... shamallar yelpüsun qubbengde hörriyeting. ta ezeldin sen bizning, bizmu séning» dep yazdi.

memuriy sot mehkimisining 10-bashqarmisi 2020-yili 10-iyul ayasofyani jamedin muzéyigha aylandurushqa munasiwetlik 1934-yili 24-noyabir chiqirilghan ministirlar kéngishi qararini emeldin qaldurushi bilen, ayasofyaning jame süpitide ibadetke échilishining yoli échilghan idi. sot mehkimisi buninggha, ayasofyaning «fatih sultan mehmet xan wexpisi» ning igidarchiliqida ikenlikini we jame süpitide xelqning xizmitige sunulghanliqini seweb körsetken idi.

qararda: «wexpe höjjitidiki jame bolush xususiyitining sirtida ishlitishke we bashqa meqsette paydilinishqa bolmaydu, dégen maddigha boysunmasliqning, qanuniy jehettin qetiy bolmaydighanliqigha höküm qilindi» déyilgen idi.


خەتكۈچ: #höküm , #namaz , #ayasofya

مۇناسىۋەتلىك خەۋەرلەر