әрдоған: түркийә чегра бихәтәрлики үчүн дөләтниң игилик һоқуқини ишқа салди
җумһур рәис рәҗәп таййип әрдоған түкийәниң җумһур рәислик системиси билән район характерлиқ вә йәр шари характерлиқ кризисларға қарши техиму үнүмлүк, техиму тез вә әтраплиқ инкасларни қайтуруш имканийитигә игә болғанлиқини ейтти.
түркийә авази радийоси хәвири: әрдоған түркийәниң һәр даим һәқ - һоқуқни қоғдайдиған дөләт болидиғанлиқини тәкитләп, «биз һеч кишиниң һәққигә көз тикмәйдиған, әмма өзиниң һәқ- һоқуқини йулуп алидиған бир дөләт болуш сүпитимиз билән һәрикәт қилимиз. башқуруш системимизни өзгәрткәндә сийасәттин иҗтимаий саһәгичә болған нурғун саһәләрдики өзгириш толғиқини баштин кәчүришимиз муқәррәрдур». деди.
әрдоған, «йеқинқи икки йилда җумһур рәис болуш сүпитимиз билән өзимиз имзалап чиқарған 64 қарарнамә вә 2755 қарар билән миллитимизгә үзлүксиз мулазимәт қилдуқ. йеңи типтики таҗисиман вирус (ковид -19) йуқумли мәзгилиниму өз ичигә алған 180 күнлүк һәрикәт программимизда биз пиланлиған 2384 асаслиқ һәрикәтниң 93 пирсәнтини тамамлидуқ. техиму йахшисини, техиму үнүмлүк вә техиму гүзилини байқиғинимизда, һәр хил өзгиришләргә һәм қәлбимиз, һәм сийаситимизму очуқтур» деди.
әрдоған түркийәниң чегра бихәтәрлики үчүн ташлиған барлиқ қәдәмлири арқилиқ дөләтниң игилик һоқуқини ишқа салғанлиқини ейтти.
