ayasofyani ibadetke échish pirogrammisining tepsilati élan qilindi

ayasofya jamesi aridin 86 yil ötkendin kéyin 24 – iyul jüme küni ibadetke échilidu.

1457035
ayasofyani ibadetke échish pirogrammisining tepsilati élan qilindi

türkiye awazi radiyosi xewiri: jamening qaytidin ibadetke échilishi jeryanida aldi bilen quran kerim tilawet qilinidu, andin namazgha turulidu.

kowid – 19 tedbirliri dairiside jamening ichige az sanda ademning kirishige ruxset qilinidu. jamening sirtida bolsa, jamaet ijtimaiy ariliqni saqlash tüzümige riaye qilghan halda namaz ötiyeleydu؛ namazgha diyanet ishliri bashqarmisi bashliqi eli erbashning imam bolushi kütülmekte.

xelq sultan ehmed meydanidimu ibadetlirini ada qilalaydu؛ meydangha kelgen jamaetke maska, dézinféksiye suyuqluqi we jaynamaz tarqitip bérilidu.

istanbul waliyliq mehkimisining teyyarliq yighinida échilish küni yolgha qoyulidighan tedbirler békitildi. chiqirilghan qarargha asasen, 24 – iyulda sultanehmed meydani we etrapida amanliqni közde tutup taqiwétilidu. yolgha aptomobillarning kirishige yoq qoyulmaydu, tramway qatnimaydu. meydanda 17 ming saqchi wezipe öteydu.

türkiye jumhuriyiti dölet ishliri mehkimisi 10 – bashqarmisi, ayasofyaning jamedin muzéygha özgertilishige munasiwetlik 1934 – yili 24 – noyabirda chiqirilghan ichki kabinit qararini emeldin qaldurghanidi؛ mehkimining bu qararigha asasen ayasofyada ibadet qilishning yoli échilghanidi.

jumhur reis rejep tayyip erdoghan, «teyyarliqlarni süret bilen tamamlap, 2020 – yili 24 – iyul jüme küni jüme namizi bilen birlikte ayasofyani ibadetke échishni pilanlawatimiz» dégenidi.


خەتكۈچ: #muzéy , #jame , #türkiye , #ibadet , #ayasofya

مۇناسىۋەتلىك خەۋەرلەر