erdoghan ezerbeyjan, ayasofya we liwiye toghrisida bayanat élan qildi

jumhur reis rejep tayyip erdoghan türkiyening qérindash ezerbeyjanni yalghuz tashlap qoyalmaydighanliqini éytti.

1457018
erdoghan ezerbeyjan, ayasofya we liwiye toghrisida bayanat élan qildi
Azerbaycan ve Türkiye Savunma Bakanlıkları.jpg

türkiye awazi radiyosi xewiri: türkiye jumhur reisi rejep tayyip erdoghan istanbulda ezerbeyjan, ayasofya we liwiye toghrisida bayanat élan qildi.

u erméniyening yéqinqi künlerde ezerbeyjangha qilghan hujumliri toghrisida toxtaldi.

u mundaq dédi:

«qérindash ezerbeyjanni hergizmu yalghuz tashlap qoyalmaymiz. taghliq qarabagh ishghal astida turuwatidu. minsk guruppisidiki üch dölet texminen 30-25 yildin buyan bu ishni üstelde tashlap qoydi» dédi.

rejep tayyip erdoghan ayasofyaning ibadetke échilishi toghrisidimu toxtaldi.

u: «chet ellerdin kelgen inkaslar biz bilen munasiwetsiz. ayasofyaning bu ehwali bizning ichki igilik hoquq mesilimiz hésablinidu. héchkimning bu yerde bizning ichki igilik hoquq mesilimizge munasiwetlik her qandaq mesilige arilishish hoquqi yoq» dédi.

u liwiyening nöwettiki weziyiti üstide toxtilip: «hazirghiche liwiyede qandaq mesuliyetni üstimizge alghan bolsaq, bundin kéyinmu bu mesuliyitimizni oxshash shekilde dawamlashturimiz. liwiyelik qérindashlirimizni yalghuz tashlap qoymaymiz. bizning liwiye bilen bolghan munasiwitimiz 500 yildin artuq waqitni öz ichige alidighan munasiwet» dédi.



مۇناسىۋەتلىك خەۋەرلەر