erdoghan yuqum, ayasofya we erméniyening ezerbeyjangha qilghan hujumi qatarliqlar toghrisida toxtaldi

jumhur reis rejep tayyip erdoghan, türkiyening yuqumgha qarshi kürishi, ayasofya mozéyining jamege aylandurulushi we erméniyening ezerbeyjan zémingha qilghan hujumliri toghrisida muhim sözlerni qildi.

1455112
erdoghan yuqum, ayasofya we erméniyening ezerbeyjangha qilghan hujumi qatarliqlar toghrisida toxtaldi
Cumhurbaşkanı Erdoğan TRT Özel Ortak Yayın 2.jpg
Erdoğan.1.02.04.jpg

türkiye awazi radiyosi xewiri: jumhur reis rejep tayyip erdoghan, türkiyening kowid – 19 yuqumining yüksek pellisini arqida qaldurghanliqini éytti.

jumhur reis erdoghan, jumhur reislik mehkimisi ichki kabinét yighinidin kéyin bayanat bérip, türkiyening yuqumgha qarshi küreshte güzel ülge bolghanliqini, yuqumlanghuchilar we qaza qilghanlar sanining qaytidin töwenleshke yüzlinishining xushallinarliq ehwal ikenlikini éytti.

u, yuqumlanghuchilar sanini nölge yéqinlashturush üchün cheklimilerning yene bir mezgil dawamlashturulidighanliqini bildürdi.

erdoghan ayasofyaning qaytidin ibadetke échilishi toghrisidiki qarar üstide toxtilip, ayasofyaning chérkawdin emes, muzéydin jamege aylandurulghanliqini xatiritilip ötti.

«xaniweyran halette tapshurup élinghan ayasofya jamesi, bizge tewe bir yadikarliqqa aylanduruldi» dégen erdoghan, ayasofyaning medeniyet yadikarliqi salahiyitini saqlap qalidighanliqini tekitlep, «ayasofya mesilisi bashta bolup, xelqimizning erkinliki we heqliri bilen munasiwetlik mesililerdiki qararimizni özimiz chiqirimiz» dédi.

yawropada musulman nopusqa toghra kélidighan ibadetxana sani bilen türkiyediki gheyriy musulman nopusqa toghra kélidighan ibadetxana sani ariliqida 4 – 5 hesse perq barliqigha isharet qilghan erdoghan, türkiyening qosh ölchemlerge duchar bolushtin qutulalmighanliqini qeyt qildi.

erméniyening, dost we qérindash ezerbeyjangha qilghan hujumi toghrisidimu toxtalghan jumhur reis erdoghan, bu hujumlarni qattiq eyibleydighanliqini eskertip, «pütkül imkaniyetlirimiz bilen ezerbeyjanning yénida turushni dawamlashturimiz» dédi.

erdoghan, üstün qarabagh ishghal qilinghandin buyan dawamliship kelgen sürkilishning erméniyening perwasiz we sistémiliq hujumliri netijiside toqunushlargha aylinip kétishidin endishe qiliwatqanliqini tekitlidi we sözini dawamlashturup, «bu hujum erméniyening qudritidin halqighan bir hadise. meqset üstün qarabagh mesilisige chare tépishqa tosqunluq qilip, yéngi toqunush sahelirini otturigha chiqirishtur. türkiye, ezerbeyjanning heqqige, hoquqigha, zéminlirigha qilinghan her türlük hujumgha qarshi orun élishtin qetiy ikkilenmeydu» dégenlerni sözlirige ilawe qildi.



مۇناسىۋەتلىك خەۋەرلەر