qalin: bezi döletler fethullahchi térrorluq teshkilatigha qarshi kürishimizde bizni qollimidi

ibrahim qalin, t r t world munbirining «digital bes – munaziriler» namliq téléwiziye yighinigha qatniship, 15 – iyul herbiy – siyasiy özgirish qozghashqa urunush qilmishidin kéyinki türkiyening ichki – tashqi siyasitidiki özgirishler heqqide toxtaldi.

1455338
qalin: bezi döletler fethullahchi térrorluq teshkilatigha qarshi kürishimizde bizni qollimidi

türkiye awazi radiyosi xewiri: jumhur reislik mehkimisi bayanatchisi ibrahim qalin, fethullahchi térrorluq teshkilati (fetö)ning 2016 – yili 15 – iyuldiki herbiy – siyasiy özgirish qozghashqa urunushining yüz berginige 4 yil bolghan bolsimu, hazirghiche natodiki bezi ittipaqdashlarning, yawropadiki bezi achquchluq döletlerning we amérika qoshma ishtatlirining, yüz bergen ishlarni chüshinip yételmigenlikini éytti.

jumhur reislik mehkimisi bayanatchisi ibrahim qalin, t r t world munbirining «digital bes – munaziriler» namliq téléwiziye yighinigha qatniship, 15 – iyul herbiy – siyasiy özgirish qozghashqa urunush qilmishidin kéyinki türkiyening ichki – tashqi siyasitidiki özgirishler heqqide toxtaldi.

türk xelqining, 15 – iyul herbiy – siyasiy özgirish qozghashqa urunush herikiti esnasida démokratiyeni, erkinlikni, qanunni we saylanghan hökümetni qoghdash üchün küresh qilghanliqini bildürgen qalin, «xelq, u kéche ölümdin qorqmastin kochilargha chiqti» dédi.

xelqning démokratiye we parlaméntni qoghdash yolidiki jasariti sewebidin 15 – iyulning, türkiyening siyasiy tarixidiki burulush nuqtilirining biri bolup qalghanliqini tekitligen qalin, «hemme kishi démokratiyeni qoghdash üchün kochigha chiqti. méningche bu, 2016 – yili 15 – iyul kéchisi insanlarning herbiy – siyasiy özgirish qozghashqa urunush qilmishigha qarshi némishqa bundaq küchlük qarshiliq körsetkenliki diqqitimizni merkezleshtürüshimiz kérek bolghan nahayiti muhim ijtimaiy burulushtur» dédi.

u, 15 – iyul herbiy – siyasiy özgirish qozghashqa urunush qilmishida, türk xelqining, tehdit qeyerdin kelse kelsun, héchkimge erkinlikini we dölitini tartiwélish heqqi bermeydighanliqining körülgenlikini éytti.

u, yawropa döletlirining we amérika qoshma ishtatlirining, 15 – iyul herbiy – siyasiy özgirish qozghashqa urunush herikitige tutqan pozitsiyesige munasiwetlik bir soalgha «nurghun döletning, gherbning we dunyaning bashqa jaylirining bildürgen inkasi küchlük ümidsizlik peyda qildi. aldi bilen, beziliri <kütüp qarap béqish> pozitsiyesi bilen, saetlerche, hetta künlerche netijining qandaq bolidighanliqini körüsh üchün saqlidi. bu ehwal, kishilerning zéhnide <kimning ghelibe qilidighanliqini körüshni kütüsh> dégen tonushni peyda qildi, méningche bu hazirmu oxshash menini bildüridu. allah saqlisun, herbiy – siyasiy özgirish qozghashqa urunush qilmishi ghelibige érishken bolsa idi, ular isyanchilar bilen hemkarlishatti» dep jawab berdi.

ibrahim qalin, bundaq bir hujumni körgende tebiiy halda dost we ittipaqdashlarning, démokratiyening, asasiy qanunluq tüzümning we qanunning muhapizet qilinishi yolidiki küreshni peqet söz bilenla emes, konkrét qedemler arqiliq qollishining kütülidighanliqini, biraq, 15 – iyul herbiy – siyasiy özgirish qozghashqa urunush herikiti esnasida bezi döletlerning türkiye yénida turmighanliqini tilgha élip ötti.

bezi döletlerning, herbiy – siyasiy özgirish qozghashqa urunush qilmishining meghlubiyetke uchrishidin kéyin chet elge qachqan fetö ezalirining tewelikide panahlinishigha ruxset qilghanliqini bildürgen qalin, «bu döletler, mesilen elqaide térrorchiliri üchün, daésh térrorchiliri üchün bundaq qilmighan bolatti. biraq, epsuski, buni fetö ezaliri üchün qildi» dédi.

türkiyening p k k, daésh, elqaidege oxshash térrorluq teshkilatlirigha qarshi kürishige, fetögha qarshi kürishiningmu qoshulghanliqini bildürgen qalin, türkiyening, natodin we nato ittipaqdashliridin bu térrorluq teshkilatigha qarshi kürishige yardem bérishini kütkenlikini eskertti.

qalin, türkiyening, fethullahchi térrorluq teshkilati kattibéshi fethullah gülenning amérikadin türkiyege qayturup bérilishi toghrisidiki bir soalgha jawab bérip, türkiyening, fetö toghrisidiki delillerni amérikagha bergenlikini we bu ishni aldinqi pirézidént barak obama mezgilidin buyan dawamlashturup kelgenlikini xatiriletken halda, bu ehwalning we térrorluq teshkilatining türkiyege qarshi barliq sahelerde élip barghan paaliyetlirining, ikki dölet munasiwetlirige tesir körsetkenlikini tekitlep ötti.



مۇناسىۋەتلىك خەۋەرلەر