«ayasofya adaqqiche jame we alemshumul medeniyet mirasi süpitide qalidu»

adalet we tereqqiyat partiyesi bayanatchisi ömer chelik ayasofyaning adaqqiche jame we alemshumul dunya mirasi süpitide qalidighanliqini éytti.

1454534
«ayasofya adaqqiche jame we alemshumul medeniyet mirasi süpitide qalidu»

türkiye awazi radiyosi xewiri: u bu heqte élan qilghan bayanatida, ayasofyaning barliq alahidiliklirining qoghdilidighanliqini we buningdin kéyin téximu yaxshi muhapizet qilinidighanliqini tekitlep mundaq dédi: «ayasofya jame we alemshumul dunya mirasining iznaliri bésilghan muqeddes jay süpitide adaqqiche körkem alahidilikini saqlap qalidu. birleshken döletler teshkilati maarip , ilim-pen we medeniyet orgini (UNESCO) mesulliri shuni bilishi kérekki, ayasofyaning dunyawi mirasining qoghdilishi mesiliside türkiye her jehettin hemkarliq ornitishqa teyyardur. ayasofya UNESCO ning medeniyet mirasliri tizimlikidin chiqiriliwétidu, dep oylimaymiz. chünki bu tizimlik bilen ayasofya shereplenmeydu, eksiche, bu tizimlik ayasofya bilen shereplengendur.»

girétsiyening ayasofyaning ibadetke échiwétilishige qarita inkasi toghruluq toxtalghan chelik, mundaq dep körsetti: «paytextide jame bolmighan birdinbir yawropa ittipaqi döliti girétsiyedur. derweqe, girétsiye osmanli impériyesidin qalghan jamelerge we yadikarliqlargha hörmetsizlik qilishta birinchi bolghan bir dölettur. eslide, girétsiye bu heqte héch bayanat élan qilmasliqqa tégishlik dölettur.»

ayasofya ötken hepte dölet mejlisining qarari arqiliq qaytidin ibadetke échilghanidi.


خەتكۈچ: #chelik , #ibadet , #jame , #ayasofya

مۇناسىۋەتلىك خەۋەرلەر