türkiye yawropa ittipaqi wekilige naraziliq bildürdi

türkiye yawropa ittipaqi tashqi munasiwetler we bixeterlik ishliri siyasiti aliy wekili josép borélning bayanatlirigha naraziliq bildürdi.

1454668
türkiye yawropa ittipaqi wekilige naraziliq bildürdi

türkiye awazi radiyosi xewiri: tashqi ishlar ministirliqi bayanatchisi hami aqsoy, borélning yawropa ittipaqi tashqi ishlar kéngishi yighinidyin kéyin élan qilghn bayanati heqqidiki soalgha bergen yazma jawabida, türkiyening sherqiy aqdéngiz mesililirige alaqidar pozitsiyesining  barliq tereplerge melum ikenlikini tekitlep mundaq dédi: «bu mesililerning hel qilinishi üchün tashlinidighan tunji qedemler, araldiki ikki xelq otturisida gidrokarbon menbelirining adil teqsi qilinishi mesiliside hemkarliq mixanizimining ornitilishi, türkiye bilen diyalog qanallirining qaytidin bashlitilishi, türkiyege qarshi ittipaqdash döletlerni otturigha chiqirishning ornigha shertsiz halda rayonda diyalog we hemkarliq muhitining yaritilishidur. barliq terepler peqet mana mushundaq pozitsiyege asaslanghandila andin sherqiy aqdéngizdiki sürkilishke xatime bérish mumkin.»

türkiyening bashtin tartipla liwiyediki kirizisni herbiy yollar arqiliq hel qilghili bolmaydighanliqini tekitlep kéliwatqanliqini eskertken aqsoy mundaq dédi: «dölitimiz süheyrattin bérlinghiche, birleshken döletler teshkilatining himaysi astida liwiyeliklerning bashlamchiliqi hem sahibxaniliqida siyasiy basquchning janlandurulushigha qarita barliq xelqaraliq tirishchanliqlarni izchil türde qollap – quwwetlep kelmekte hem hesse qoshmaqta. yawropa ittipaqi liwiye kirizisining tinch yollar arqiliq hel qilinishigha hesse qoshushni xalisa, <irihi herikiti> arqiliq namayen qilghan qosh ölchemlik siyasitini terk étip, birleshken döletler teshkilati xewpsizlik kéngishining qararlirigha asasen qanunluq hökümetni qollishi kérek.»

aqsoy, borélning ayasofyagha munasiwetlik bayanatliri heqqide toxtalghanda mundaq dédi: «ayasofyaning türkiyening mülki ikenlikini we salahiyet özgirishinimu öz ichige alghan ayasofyagha munasiwetlik her türlük teserrupning türkiyening igilik hoquqi dairisige kiridighanliqini yene bir qétim tekitleymiz. derweqe, türkiyening igilik hoquqigha arilishish héchkimning heddi emes.»

yéngi salahiyet arqiliq «ayasofya jamesi» ning dunyadiki barliq din we étiqadlarning ziyaritige ochuq bolidighanliqini we xalighan kishilerning bu katta jayni ziyaret qilalaydighanliqini eskertken aqsoy, ayasofyaning ichide élip bérilidighan paaliyetlerning dunya medeniyet mirasliri tizimlikige kirishke tégishlik ölchemlerge xilap emeslikini tekitlep mundaq dédi: «ayasofya jamesi insaniyetning ortaq medeniyet mirasi alahidilikini saqlap qalghan asasta yéngi salahiyiti arqiliq hemmini baghrigha bésishni dawamlaturidu.»

u yene, borélning türkiye – yawropa ittipaqi munasiwetliride diyalog we ehdining ehmiyitini tekitlishining xushallinarliq ish ikenlikinimu sözlirige ilawe qildi.



مۇناسىۋەتلىك خەۋەرلەر