айасофйаниң җамәгә айландурулушиға қануний йол ечилди

түркийә авази радийоси хәвири: «изчил вәхпиләр тарихий әсәрләргә вә муһитқа хизмәт җәмийити», айасофйаниң җамәдин музейиға айландурулушиға мунасивәтлик министирлар кеңишиниң қарарини әмәлдин қалдурушни тәләп қилип, мәмурий сотқа әрз сунди.

мәмурий сот мәһкимисиниң 10-башқармиси әрзни тәкшүрди вә 2-ийулдики сотта тәрәпләрниң әрзлирини аңлиди. соттин кейин, 10-башқарма һөкүм елан қилип, 1934-йили 24-нойабир чиқирилған министирлар кеңиши қарарини әмәлдин қалдурди.

мәмурий сот мәһкимиси айасофйаниң фатиһ султан мәһмәт хан вәхписиниң игидарчилиқида икәнликини вә җамә болуш сүпитидә җәмийәтниң хизмитигә сунулғанлиқини сәвәб көрсәтти.