بۈگۈن 23 كىشى ۋىرۇس سەۋەبىدىن قازا قىلدى
تۈركىيەدە ۋۇخەن ۋىرۇسى (Kovid-19) غا قارشى كۈرەش تەدبىرلىرى دائىرىسىدە خۇشاللىنارلىق نەتىجىلەرنىڭ قولغا كېلىشكە باشلىشىغا ئەگىشىپ، ئۆلۈم ۋە يۇقۇم نىسبىتى بارغانسېرى تۆۋەنلىمەكتە.
1452986
تۈركىيە ئاۋازى رادىيوسى خەۋىرى: يېقىنقى 24 سائەت ئىچىدە ۋۇخەن ۋىرۇسى سەۋەبىدىن 23 كىشى قازا قىلدى. بۇنىڭ بىلەن «ۋۇخەن ۋىرۇسى» ئوتتۇرىغا چىققاندىن بۇيان قازا قىلغانلار سانى 5 مىڭ 323 كە يەتتى.
بىر كۈن ئىچىدە 48 مىڭ 787 كىشى تەكشۈرۈلدى، بۇلاردىن 1 مىڭ 3 كىشىدە ۋىرۇس بايقالدى.
دوختۇرخانىدىن چىققان 1 مىڭ 493 كىشى بىلەن قوشۇلۇپ، ساقايغانلارنىڭ ئومۇمىي سانى 191 مىڭ 883 كە يەتتى.